Преподобный макарий калязинский молитва

Молитва преподобному Макарию, игумену Калязинскому, чудотворцу.

О священная главо, преподобне отче, преблаженне авво Макарие! Не забуди убогих своих до конца, но поминай нас во святых своих и благоприятных молитвах к Богу. Помяни стадо свое, еже сам упасл еси, и не забуди посещати чад своих. Моли за ны, отче священный, за дети своя духовныя, яко имея дерзновение к Небесному Царю. Не промолчи за ны ко Господу, и не презри нас, верою и любовию чтущих тя. Поминай нас, недостойных, у Престола Вседержителева, и не престай моляся о нас ко Христу Богу: ибо дана тебе бысть благодать за ны молитися. Не мним бо тя суща мертва: аще бо и телом преставился еси от нас, но и по смерти жив сый пребываеши. Не отступай от нас духом, сохраняя нас от стрел вражиих, и всякия прелести бесовския, и козней диавольских, пастырю наш добрый. Аще бо и мощей твоих рака пред очима нашима видима есть всегда, но святая твоя душа с ангельскими воинствы, с безплотными лики, с Небесными Силами у Престола Вседержителева предстоящи, достойно веселится. Ведуще бо тя воистину и по смерти жива суща, тебе припадаем и тебе молимся: еже молитися о нас Всесильному Богу о пользе душ наших и испросити время на покаяние, и о невозбранном преитии от земли на Небо, мытарств же горьких, бесов воздушных князей и вечныя муки избавитися, и Небесному Царствию наследником быти со всеми праведными, от века угодившими Господу нашему Иисусу Христу: Емуже подобает всякая слава, честь и поклонение со Безначальным Его Отцом, и Пресвятым и Благим и Животворящим Его Духом, ныне и присно, и во веки веков. Аминь.

Тропарь преподобному Макарию, игумену Калязинскому, чудотворцу

Плотская мудрования, отче Макарие, воздержанием и бдением умертвил еси: место бо, на немже поты твоя излиял еси, яко труба вопиет к Богу, поведающи твоя исправления: и по смерти честныя твоя мощи источают исцеления. Темже вопием ти: моли Христа Бога, да спасет душы наша.

Яко древо насажденное при водах воздержания, струями слез твоих напояем, преподобне отче Макарие, сеяв бо слезами, в радости жнеши добродетельныя рукояти; тем Великий Мздодавец плоды трудов твоих прият и в житницах Небесных тя сокровище положи, но поминай чтущих любовию пресветлую память твою и моли Святую Троицу, преподобне Макарие, спастися душам нашим.

Слез твоих теченьми пустыни безплодное возделал еси, и иже из глубины воздыханьми во сто трудов уплодоносил еси, и был еси светильник вселенней, сияя чудесы, Макарие отче наш, моли Христа Бога спастися душам нашим.

Вышних желая, воздержанием и труды, и поты насладився, желание плоти твоея обуздав, чудес дар прием от Христа Бога, светильник явился еси пресветлый. Темже Христова Церковь песньми славит тя, преподобне Макарие отче наш.

Яко финикс псаломский во удолиих постнических процвел еси, трудов своих поты, яко плоды духовными, возвеличил еси над всеми Бога, но яко имея дерзновение ко Святей Троице, поминай нас, чтущих любовию святую память твою, да зовем ти: радуйся, преподобне Макарие, отче наш.

Ублажаем тя, преподобне отче Макарие, и чтим святую память твою, наставниче монахов и собеседниче ангелов.

Популярные молитвы:

Молитвы Пресвятой Богородице Казанская

Молитвы святителю Алексию Московскому чудотворцу

Молитва Преподобному Василию Новому. Икона Святой Василий Новый

Молитвы Пресвятой Богородице Взыскание погибших и Всех скорбящих радосте

Молитва преподобному Нифонту Кипрскому

Молитвы Пресвятой Богородице Почаевская

Молитвы святителю Тихону, епископу Воронежскому, чудотворцу Задонскому

Молитва святителю Евфимию, архиепископу Новгородскому, чудотворцу

Молитва святителю Иоанну Милостивому

Молитва святому преподобному Галактиону, Вологодскому чудотворцу

Молитвы святым равноапостольным Мефодию и Кириллу, учителем Словенским

Молитвы Пресвятой Богородице Козельщанская

Молитвы на разные случаи. Тропарь

Молитвы, которые обязательно помогут

Православные информеры для сайтов и блогов

Все молитвы .

Акафистник

Молитвослов

Святой преподобный Макарий, игумен Калязинский, чудотворец

(память 17 марта и 26 мая по старому стилю)

“Напрасно трудился я, и без успеха совершил такой дальний путь на Святую Гору мимо Калязинского монастыря. Ибо можно спастись и в нем живущим: здесь все делается подобно киновиям, находящимся в Святой Горе”, – таким был об этой знаменитой русской обители, лежащей на Волге в пределах Тверских, старца Митрофана (Бывальцева), подвизавшегося девять лет на Афоне. Благочиние и благолепие монастыря отмечал также и преподобный Иосиф Волоцкий, знаменитый проповедник и строгий игумен знаменитой обители на Волоке Ламском, известный борец с ересью жидовствующих. Со всей Руси тысячи богомольцев шли в Калязин, дабы воочию зреть подвиги братии и поклониться честным мощам основателя той обители – преподобного Макария Калязинского, получить облегчение и исцеление от тяжких душевных и телесных недугов. И здесь, у раки со святыми мощами, по вере приходивших свершалось множество чудотворений.

Родился преподобный Макарий, игумен Троицкого Калязинского монастыря, в 1402 году, в селе Гридцине (Грибкове, ныне Кожино), вблизи Кашина, в боголюбивой, строго чтущей заповеди Господни семье. Родители, боярин Василий Ананиевич Кожа, прославившийся своими воинскими подвигами при великом князе Василии Васильевиче II Темном, и супруга его Ирина (память их чтится местно) с детства воспитывали Матфея (имя в миру) в вере и богопочтении. Отрок любил проводить время за чтением духовных книг, и все прочитанное глубоко западало в его сердце. Он не увлекался играми и в душе своей непрестанно возносил дорогие сердцу молитвы, псалмы и духовные песнопения, задумываясь при этом, как послужить Богу.

Когда стал приходить в совершенный возраст, начал Матфей помышлять об удалении от суетной мирской жизни; родители его, однако, не желали, чтобы он принял монашество, и приводили библейские примеры жития новозаветных святых, спасшихся в миру. Послушный сын, не желая огорчать родных и повинуясь, согласился на брак и вскоре женился на девице Елене Яхонтовой. Молодые супруги пообещали друг другу, в случае если один из них умрет, овдовевший примет монашество. Спустя год после свадьбы Матфей потерял отца и мать, а еще через два – скончалась Елена; и двадцатипятилетний Матфей оставил временное, взыскуя вечного, и поступил в находивший неподалеку Николаевский Клобуков монастырь, где постригся с именем Макарий.

С ревностью проходил он все монастырские послушания, смирением и кротостью превосходя всех, и подвиги молодого инока возбуждали удивление братии. Спустя некоторое время, тяготясь многолюдием обители, преподобный по благословению игумена удалился в пустынь. Он избрал место в лесу, лежавшее в 18 верстах от Кашина, неподалеку от Волги, между двух небольших озер. Здесь он срубил себе келию, и никто не мешал его подвигу уединенной молитвы, лишь дикие звери приходили и ласкались к нему, и он делил с ними пищу. Прознав об отшельнике, стали стекаться иноки к преподобному Макарию, желая молиться вместе с преподобным в его келии. Он смиренно принимал их и наставлял в правилах иноческого жития. Так уединенная лесная чаща обратилась в монастырь, где игуменом был избран преподобный Макарий.

Земля, на которой жила братия, принадлежала боярину Ивану Коляге, который со времени поселения там преподобного Макария с неприязнью смотрел на инока. Когда же была устроена церковь и число пустынников увеличилось, Коляга испугался, что к обители может отойти часть его земли; и так это его угнетало, что он замыслил даже убийство преподобного. Но Божие наказание не замедлило сказаться: смерть постигла семью Коляги, а сам он тяжело заболел. Пребывая в несчастии, строивший недобрые планы боярин раскаялся в своем грехе и, исповедав его Макарию, был прощен.

Вскоре Коляга под воздействием проповеди преподобного вступил в Макариев монастырь, подарив ему все свои земли. С тех пор, ради смирения, сам Макарий именовал обитель Калязинскою (ныне г. Калязин Тверской губ.). Довольно быстро она приобрела широкую известность, ибо ученики преподобного Макария, следуя примеру своего духовного отца и наставника, совершенствовались в иноческом подвиге и держали строгую аскезу. Множество людей – и знатных, и простолюдинов, – просили преподобного принять их в число братии. И, надо сказать, еще при жизни преподобного Макария из обители Калязинской вышли преподобный Ефрем Перекомский (память 16 мая) и преподобный Паисий Угличский (память 6 июня).

Чудодейственна была молитва преподобного Макария, получившего при жизни своей от Бога дар исцеления недугующих и страждущих. Так, он освободил от болезни некоего расслабленного Захарию из села Кесова Гора, вразумив его с любовью: “Чадо! Преблагий Бог не хочет смерти грешника, а жизни и обращения ко спасению, и какими ведает судьбами, приводит его ко спасению через покаяние. Тебя постигло Божие посещение и, если покаешься и оставишь прежние обычаи, Бог пошлет тебе исцеление; если же нет, то пострадаешь и больше сего”. Принесший покаяние грешник исцелился, а после того стал священником в своем селе и всю жизнь помнил наставления преподобного Макария.

Другой раз преподобный вылечил мучимого бесами боярского Василия Рясина. После молитвы преподобный Макарий осенил его крестным знамением, и тот очистился. Обрадованный ниспосланной милостью Божией, он избрал иноческий путь.

Наградил Господь духоносного старца также и даром прозорливости. Однажды украли монастырских волов. Внезапно воры были поражены слепотой и, долго блуждая в окрестностях, опять оказались у ворот обители. Преподобный Макарий осматривал в то время хозяйство и, как бы не зная, в чем дело, спросил, увидев их, почему они здесь, да к тому же с волами. Похитители сознались во всем и раскаялись. Преподобный отпустил им грех и, исцелив, наказал впредь не посягать на чужое.

Незадолго перед своей кончиной преподобный Макарий заболел. Некоторое время он безмолвствовал, а в предчувствии исхода, призвав братию, благословил и поцеловал каждого и простился: “Предаю вас Господу Богу! Пребывайте всегда в трудах, посте, бдении и непрестанной молитве; блюдите чистоту душевную и телесную, не воздавайте зло за зло или досаждение за досаждение. Разумейте, братия: если я имею дерзновение к Богу. то по моем отшествии сия обитель не оскудеет, но распространится”.

Преставился игумен Калязинский 17 марта 1483 года глубоким старцем, на 82-м году жизни, и был погребен близ построенной им деревянной церкви. Над могилой его была сооружена и украшена образами деревянная часовня. Когда храм обветшал, жертвователи решили обновить его, выстроив на том месте каменную церковь. Во время копания рвов для ее основания был обретен гроб преподобного. От его нетленных мощей исходило благоухание, седины старца были чисты, и даже ризы не изменились. Случилось это 26 мая 1521 года.

Множество исцелений расслабленных, бесноватых, страдавших костной болью, слепотою, болезнью ног происходило при мощах святого. Это привлекало в обитель множество паломников. До 1547 года преподобного Макария чтили местно. Чудотворения и народная любовь способствовали тому, что на Московском Соборе 1547 года он был причислен к лику святых Божиих угодников и память его было постановлено праздновать по всей России. В Калязин к преподобному ходили пешком простые люди, ездили цари: в 1553 году обитель посетил царь Иоанн Васильевич Грозный, в 1599-м – Борис Годунов с супругой и детьми прибыл испросить у преподобного Макария благословение на вступление дочери Ксении в брак. Тогда царственными богомольцами была устроена серебряная рака, куда были переложены честные мощи святого.

В 1610 году обитель была разграблена поляками, многие из братии убиты. После Смуты государи нового правящего дома Романовых также неоднократно молились в ней: в 1619 году царь Михаил Федорович, в 1635-м – его отец, Патриарх Филарет. В 1654 году, во время морового поветрия, царица Мария Ильинична и Патриарх Никон имели местопребывание в Калязинской обители. В 1700 году для мощей благочестивыми жертвователями была устроена новая серебряная рака, в коей угодник Божий почивал вплоть до закрытия монастыря советской властью. По его разграблении в 1930-е годы мощи перевезли в Тверь, где они покоятся и ныне в кафедральном соборе Белая Троица, в правом приделе.

Память преподобного Макария, Калязинского чудотворца, совершается 17/30 марта, в день его кончины, и 26 мая/8 июня – в день обретения святых мощей, когда в Калязине при огромном стечении паломников совершается крестный ход. В Макариевом монастыре отмечался также день тезоименитства святого – 16/29 ноября.

Чтится святой Макарий и в Соборе Тверских святых (переходящее празднование в первое воскресенье после 29 июня/12 июля -дня святых первоверховных апостолов Петра и Павла).

Акафист святому преподобному Макарию, игумену Калязинскому, чудотворцу

Возбранный чудотворче, и изрядный угодниче Христов, многоцелебный источниче и молитвенниче о душах наших, преподобне отче Макарие, яко имеяй дерзновение ко ко Господу, молитвами твоими от всяких нас бед свободи, да зовем ти: Радуйся, Макарие, скорый помощниче и преславный чудотворче.

Ангела тя земнаго и человека Небеснаго, преподобне отче Макарие, киими пении и песньми восхвалим, киими венцы увязем трудолюбивую главу твою, и киими словесы возвеличим многоболезненныя подвиги твоя; темже благоговейно притекающе к раце многоцелебных мощей твоих, усердно припадающе, со умилением взываем ти: Радуйся, ревностный Христов подражателю. Радуйся, заповедей его истинный блюстителю. Радуйся, ангелов собеседниче. Радуйся, преподобных похвала. Радуйся, верных слуге Господень. Радуйся, усердный чистоты и воздержания хранителю. Радуйся, столпе терпения. Радуйся, образе незлобия и кротости. Радуйся, смиренномудрия наставниче. Радуйся, светильниче многосветлый. Радуйся, непостыдное христиан прибежище. Радуйся, безмездный врачу немощствующих. Радуйся, Макарие, скорый помощниче и преславный чудотворче.

Видяще благороднии твои родителие во младости тя, богомудре, совершенная мудрствующа, Господу, даровавшему ти таковая, воспеваху благодарственную песнь: Аллилуиа.

Разум неуклонный имел еси, преподобне Макарие, аще и юн быв телом, но стар сый умом: вся бо мира сего красная от юности твоея пренебрег, детская игралища презрел еси, псалмы же и песни духовныя Богу Спасителю сердцем и усты непрестанно воспевал еси, научи и нас таяжде мудрствовати и деяти, вопиющих ти: Радуйся, христианския мудрости истинное зерцало. Радуйся, яко божественному желанию ум твой от юности вперил еси. Радуйся, яко во младости твоей временная и земная уметы быти вменил еси. Радуйся, яко единая небесная от сосцу матере твоея возлюбил еси. Радуйся, яко от юности ярем Господень на рамена своя возложил еси. Радуйся, яко плоть поработил еси духу. Радуйся, яко противу кознем диавольским, еще юн сый, стати не устрашился еси. Радуйся, яко от младенчества чтения Божественных Писаний всем сердцем возлюбил еси. Радуйся, яко день и нощь в чтении и пении богодухновенных псалмов пребывал еси. Радуйся, яко неплененный страстьми ум твой словом Божиим просветил еси. Радуйся, яко Христа еще в невинней души твоей вселил еси. Радуйся, яко непорочным сердцем возжелел мирскаго мятежа уклонитися, и в пустыню вселитися. Радуйся, Макарие, скорый помощниче и преславный чудотворче.

Силою Духа Святаго свыше облечен быв, и юности твоей безсильна врага сотворил еси: укрепи, Богоблаженне Макарие, молитвами твоими и нас, во всех благих изнемогающих, да сподобимся с тобою воспевати выну песнь Богу: Аллилуиа.

Имея богатство чистоты душевныя, и высоту смирения, родительское богатство и рабов послужение ни во что же вменил еси, и по разрешении плотскаго соуза, имже на малое время связан был еси, яко олень жаждущий на источники водныя, устремился еси, всеблаженне, в пустыню: в нейже твое высокородство на смиренномудрие, богатство на убожество пременил еси, совлекийся одежды многосветлыя и облекийся в рубище. Темже удивляющеся таковому твоему смиренномудрию, сице ублажаем тя, вопиюще: Радуйся, всяку гордость мира презревый. Радуйся, яко оставив временная, взыскал еси вечная. Радуйся, яко дом велелепный и чертоги украшенны возненавидел еси. Радуйся, яко возлюбил еси убогую хижину паче чертогов преизящных. Радуйся, яко рубищи украсился еси паче одежды златотканныя. Радуйся, яко вместо брашен сластопитательных, возлюбил еси изнуряти плоть твою постом и многим воздержанием. Радуйся, яко не пожелал еси от рабов послужения, но паче сам послужити всем изволил еси. Радуйся, яко возлюбил еси паче одра мягкаго на земли повержение. Радуйся, яко верою правою, аки щитом, защитился еси от всех искушений вражиих. Радуйся, яко неистощимым терпением твоим, паче копия острейшим, врага нашего спасения смертельно уязвил еси. Радуйся, яко неусыпными твоими молитвами, запинателя на пути благочестия безсильна сотворил еси. Радуйся, яко столпе и утверждение добродетели нам явился еси. Радуйся, Макарие, скорый помощниче и преславный чудотворче.

Бурю сумнительных помышлений укрощая и пролагая в тишину Божественными учении, имиже уверяя себе, яже о Царствии Небеснем, преблаженне Макарие, непрестанно воспевал еси песнь Богу: Аллилуиа.

Слышав преподобне Макарие в Евангелии глас Спасителя взывающ: иже хощет по Мне ити, отвержется себе, и возмет крест свой, и по Мне грядет, отверглся еси себе, и взем на рама крест твой, ходил еси по стопам Христовым невозвратно. Темже мы, недостойнии, восписуем ти таковая, глаголюще: Радуйся, евангельских велений верный блюстителю. Радуйся, Христовых словес твердый хранителю. Радуйся, креста своего усердный носителю. Радуйся, иго Христово и бремя Его благодушно подъемый. Радуйся, яко не обративыйся вспять в шествии к Горнему Иерусалиму. Радуйся, неизсякаемый сосуде благодати Христовы. Радуйся, чистое приятелище Духа Святаго. Радуйся, яко вся страсти плотския воздержанием многим умертвил еси. Радуйся, вертограда Христова всеусердный насадителю. Радуйся, яко ум твой к безстрастию возвысил еси. Радуйся, вся благая земли, Небеснаго ради Царствия, за уметы вменивый. Радуйся, равноангельное житие до конца возлюбивый. Радуйся, Макарие, скорый помощниче и преславный чудотворче.

Богом направляем, всеблаженне отче, безмолвное в пустыни житие обрел еси, и псаломски воспел еси: се покой мой в век века, зде вселюся: в нейже и подвизался еси добльственно в посте и бдении, и от очию многи слезы изливая, непрестанно воспевал еси Богу: Аллилуиа.

Видев суетных имений рачитель неуклонное твое в пустыни пребывание, диавольским наущением возжигаемь, восхоте умертвити тя: но ради постигшия его смертныя болезни пришел в чувство, паде пред ногама твоима, прося у тебе прощения и в пустыни с тобою пребывания. Ты же яко пастырь добрый и незлобивый, приял еси его с радостию, яко овча погибшее, прощая ему вся и причитая его к избранному твоему стаду. Таковое убо твое незлобие, и о спасении заблуждших многое попечение слышавше, по долгу воспеваем ти сице: Радуйся, незлобия присный хранителю. Радуйся, смиренномудрия искренний любителю. Радуйся, образе кротости и терпения. Радуйся, наставниче целомудрия. Радуйся, светоносный столпе, просвещаяй сущия во тьме. Радуйся, обители иноков великое украшение. Радуйся, яко широкий путь, ведущий в пагубу, ненавидети поучал еси. Радуйся, яко тесною и прискорбною стезею шествовати благоискусно внушал еси. Радуйся, древо благоплодное, при исходищах вод Божественныя благодати насажденное, и многи питающее. Радуйся, древо благосеннолиственное, многи от зноя прохлаждающее. Радуйся, избраннаго твоего стада стражу неусыпный. Радуйся, благохотных подражателей твоих житием и учением на Небо руководителю и сопутствователю. Радуйся, Макарие, скорый помощниче и преславный чудотворче.

Проповедницы быша твоего незлобия и прозорливости татие, егда похищенная ими животная к тебе возвратиша, и вместо наказания прияша от тебе отеческое наставление, видевше же такое твое незлобие, со многим удивлением отшедше, воспеша песнь Богу: Аллилуиа.

Возсиял еси в пустыни, яко заря пресветлая, преподобне отче, просвещая и наставляя на путь спасения вся к тебе притекающия, сего ради со многим удивлением взываем ти сице: Радуйся, заре пресветлая, от пустыни восходящая и души верных озаряющая. Радуйся, заблуждших истинный наставниче. Радуйся, целомудрия зерцало. Радуйся, истинный образе благочестия. Радуйся, алтаря Господня благоговейный служителю. Радуйся, иноческаго равноангельнаго жития ревнителю. Радуйся, безмолвия древних Богоносных отец подражателю. Радуйся, столпе огненный, наставляяй на путь спасения. Радуйся, солнце светозарное, яко своими лучами души наша, от мраза греховнаго погибающыя, согреваеши. Радуйся, луна пресветлая, яко нощь нашего неразумия прогоняеши. Радуйся, Божественнаго о людях промышления всеусердный служебниче. Радуйся, вечныя нашея радости теплый ходатаю. Радуйся, Макарие, скорый помощниче и преславный чудотворче.

Хотя разслабленный Захария совершенное получити себе здравие, моли принести себе и положити пред ногама твоима, преподобне отче, да твоими молитвами получит исцеление. Ты же яко врач премудрый, уврачевал недуги его телесныя вкупе же и душевныя, воспел еси Господу благодарственную песнь: Аллилуиа.

Дивное имел еси житие, и дивныя чудеса сотворил еси на земли, преподобне отче Макарие, егда узрев единаго юношу, многое время бесом мучима, умилився прослезился еси, и воздохнув сотворил еси молитву к Богу: абие же изыде бес из страждущаго, и бысть здрав. Мы же таковая слышавше, с радостию взываем ти сице: Радуйся, лукавых духов крепкий победителю. Радуйся, душепагубных волков прогонителю. Радуйся, воине Христов непобедимый. Радуйся, рабе Божий, благий и верный. Радуйся, врачу скорый с верою тебе призывающих. Радуйся, лозо благоплодовитая. Радуйся, яко твоим пособием сокрушаются козни вражия. Радуйся, совоителю премудрый, ратующим противу сил адовых. Радуйся, неоскудный поток чудесем. Радуйся, обильный благодатию источниче исцелений. Радуйся, трисолнечнаго света пресветлая луче. Радуйся, человече Божий, преподобием и истиною, аки поясом златым, пропоясанный. Радуйся, Макарие, скорый помощниче и преславный чудотворче.

Дивное и неизреченное чудо благодати Небесныя, является ныне во очию всех верных: долготерпеливый бо и многомилостивый Господь не прогневался на ны до конца за беззакония наша, но, помянув щедроты Своя, дарова нам тебе, досточудне отче, заступника изрядна, и тако вознесе рог спасения нашего, да выну поем ему: Аллилуиа.

Весь еси в вышних, но и нижних не оставлявши, преподобне отче Макарие, присно со Христом царствуеши, и о нас, грешных, молитвы к Нему возносиши: не точию бо припадающих к цельбоносным мощем твоим, но и далече отстоящих, призывающих же всечестное имя твое, предстательством твоим соблюдаеши от всякаго зла. Темже во умилении зовем ти: Радуйся, прибежище наше во всех скорбех. Радуйся, скорый помощнице всех в бедах сущих. Радуйся, целителю болезней душевных вкупе и телесных. Радуйся, на невидимыя враги наша сильный поборниче. Радуйся, посетителю благосердый в немощи лежащих. Радуйся, утешителю в печали сущих. Радуйся, яко тобою престает рыдание. Радуйся, яко тобою подается радование. Радуйся, яко Христу добльственно последовал еси. Радуйся, яко Сладчайшему Иисусу до конца послужил еси. Радуйся, яко наслаждаешися лицезрения Божия. Радуйся, яко сподобился еси зрети невечерний день Царствия Его. Радуйся, Макарие, скорый помощниче и преславный чудотворче.

Всякия скорби претерпел еси, и многи труды и подвиги добльственно совершил еси, шествуя по пути спасения до маститыя старости, облечен во всеоружие Божие, во плоти аки безплотен, умерщвляя страсти и сокрушая наветы миродержителя тьмы века сего, темже к Небесным сопричислен силам, купно с ними воспеваеши Богу: Аллилуиа.

Ветия многовещанныя недоумеют достойно восхвалити тя, богомудре Макарие: кто бо доволен разумети вся борения твоя с миродержители тьмы века сего; или кто изочтет труды, болезни и подвиги твоя, в них же пустыннолюбное житие совершал еси; обаче мы, любовию твоею побеждаеми, благодарно тебе зовем: Радуйся, закона Божия исполнителю всеусердный. Радуйся, чистотою и целомудрием, многоценнаго бисера честнейший. Радуйся, в терпении и борении противу плоти, адаманта твердейший. Радуйся, смиренномудрием и кротостию паче славных земли прославленный. Радуйся, во плоти аки безплотен на земли поживый. Радуйся, живыми и спасительными слезами огнь похоти угасивый. Радуйся, борющимся со страстьми и похотьми помощниче благоуспешный. Радуйся, в трудех, бдении и воздержании великим постником подражателю ревностнейший. Радуйся, в духовней мудрости наставниче благоискуснейший. Радуйся, подвигов иноческих показателю рачительнейший. Радуйся, пустынножителей красота. Радуйся, горлице пустынолюбная и добровидная. Радуйся, Макарие, скорый помощниче и преславный чудотворче.

Храняй вся кости праведных, яко ни единей от них сокрушитися, Господь и Бог наш Иисус Христос явил нам твое тело нетленное на земли, преподобне отче, яко живоносную купель, врачующую всяку болезнь и всяку язю в людех. Темже приявше таковаго целебника и молитвенника, благодарственно вопием ему: Аллилуиа.

Стену тя тверду и молитвенника изрядна стяжав святая обитель твоя, и вси страны Российстии хвалятся заступлением твоим. Темже и мы грешнии, яка чада отца молим: заступи и сохрани нас от искушений и скорбей, бед и напастей молитвами твоими, да взываем ти радостно: Радуйся, благовонный крине райскаго вертограда. Радуйся, кипарисе, верных сердца благовонием исполняяй. Радуйся, немощных целебниче. Радуйся, жезле, падающих подкрепляяй. Радуйся, надежде и отишие в мори жития сего плавающих. Радуйся, твердое ограждение и прибежище усердно Богу работающих. Радуйся, всех усердно притекающих к тебе, искушений и бед скорое избавление. Радуйся, всех обуреваемых покрове твердый. Радуйся, яко от обители земныя в обитель Небесную преселился еси. Радуйся, яко от обители Небесныя в обитель земныя благотворя нисходиши. Радуйся, яко и по отшествии твоем с нами пребываеши. Радуйся, яко и по преставлении твоем, умерщвленныя грехми души наша молитвами твоими воскрешаеши. Радуйся, Макарие, скорый помощниче и преславный чудотворче.

Пения и песни духовныя Троице Единосущней, сердцем и усты на земли выну приносил еси, блаженне Макарие: темже и ныне на Небесех, с ангельскими чинми Троическому предстоя Престолу, непрестанно воспеваеши Божественную песнь: Аллилуиа.

Светоподательнаго светильника, просвещающаго души наша, верою видим тебе, преблаженне отче, пред Престолом Божиим стояща, и твоим блистанием озаряеми, зовем ти таковая: Радуйся, облаче светозарный, просвещаяй души наша. Радуйся, вода спасительная, всех напаяющая. Радуйся, пастырю предивный. Радуйся, учителю премудрый. Радуйся, чистоты селение. Радуйся, печальных утешение. Радуйся, сирых питателю. Радуйся, обидимых предстателю. Радуйся, премудрости Божия приятелище. Радуйся, неисчерпаемый источниче благодати исцелений. Радуйся, превозвестниче Божиих велений. Радуйся, сокровище милосердия Божия неистощимое. Радуйся, Макарие, скорый помощниче и преславный чудотворче.

Благодать свыше ти данную познавше, благоговейно лобызаем честныя мощи твоя, яже Господь благоволил дивно явити нам. Темже благодарственно вопием Христу Богу нашему: Аллилуиа.

Поюще твое к Богу отшествие, преподобне Макарие, почитаем священную память твою, величаем твое смиренномудрие, хвалим твое долготерпение, славим незлобие твое, ублажаем подвиги твоя и кончину течения твоего, яко венец правды приял еси от Господа, Судии праведнаго. Темже молящеся усердно, о еже сподобитися и нам неосужденно предстати Страшному Судищу Христову, взываем ти: Радуйся, у Престола Божия теплый о нас предстателю. Радуйся, мужу, прославивый Бога в души и в теле твоем. Радуйся, совершенный в добродетелех человече. Радуйся, дивный подражателю Отца нашего Небеснаго. Радуйся, устроителю обители монашествующих. Радуйся, преблагий и добрый наставниче иноков. Радуйся, всех православных скорый помощниче и заступниче. Радуйся, Царя Небеснаго известный умилостивителю. Радуйся, многажды заступлением твоим прошения предваряяй. Радуйся, Небесный гражданине. Радуйся, яко с преподобными и праведными веселишися. Радуйся, яко со всеми избранными Божиими присно торжествуеши. Радуйся, Макарие, скорый помощниче и преславный чудотворче.

О преславный и предивный отче Макарие, приими благоутробно сие малое моление наше, и твоим сильным и благоприятным пред Богом ходатайством, избави нас от всех враг видимых и невидимых, от всякия напасти и скорби, от внезапныя смерти и будущия муки, да сподобимся с тобою и со всеми святыми во веки воспевати Богу Спасителю нашему благодарную песнь: Аллилуиа, Аллилуиа, Аллилуиа.

(Этот кондак читается трижды, а затем икос 1 и кондак 1)

Молитва преподобному Макарию, игумену Калязинскому, чудотворцу

О священная главо, преподобне отче, преблаженне авво Макарие! Не забуди убогих своих до конца, но поминай нас во святых своих и благоприятных молитвах к Богу. Помяни стадо свое, еже сам упасл еси, и не забуди посещати чад своих. Моли за ны, отче священный, за дети своя духовныя, яко имея дерзновение к Небесному Царю. Не промолчи за ны ко Господу, и не презри нас, верою и любовию чтущих тя. Поминай нас, недостойных, у Престола Вседержителева, и не престай моляся о нас ко Христу Богу: ибо дана тебе бысть благодать за ны молитися. Не мним бо тя суща мертва: аще бо и телом преставился еси от нас, но и по смерти жив сый пребываеши. Не отступай от нас духом, сохраняя нас от стрел вражиих, и всякия прелести бесовския, и козней диавольских, пастырю наш добрый. Аще бо и мощей твоих рака пред очима нашима видима есть всегда, но святая твоя душа с ангельскими воинствы, с безплотными лики, с Небесными Силами у Престола Вседержителева предстоящи, достойно веселится. Ведуще бо тя воистину и по смерти жива суща, тебе припадаем и тебе молимся: еже молитися о нас Всесильному Богу о пользе душ наших и испросити время на покаяние, и о невозбранном преитии от земли на Небо, мытарств же горьких, бесов воздушных князей и вечныя муки избавитися, и Небесному Царствию наследником быти со всеми праведными, от века угодившими Господу нашему Иисусу Христу: Емуже подобает всякая слава, честь и поклонение со Безначальным Его Отцом, и Пресвятым и Благим и Животворящим Его Духом, ныне и присно, и во веки веков. Аминь.

Тропарь преподобному Макарию, игумену Калязинскому, чудотворцу

Плотская мудрования, отче Макарие, воздержанием и бдением умертвил еси, место бо, на немже поты твоя излиял еси, яко труба, вопиет к Богу, поведающи твоя исправления, и по смерти честныя твоя мощи источают исцеления. Темже вопием ти: моли Христа Бога, да спасет души наша.