Молитва святому василиску

Все о религии и вере - "молитва святому василиску" с подробным описанием и фотографиями.

Канон святым мученикам Евтропию, Клеонику и Василиску

Припев: Святи́и му́ченицы, моли́те Бо́га о на́с.

Для корректного отображения содержимого страницы необходимо включить JavaScript или воспользоваться браузером с поддержкой JavaScript.

Память: 16 марта (03 марта ст. ст.); 04 июня (22 мая ст. ст.)

Ирмо́с: Твоя́ победи́тельная десни́ца боголе́пно в кре́пости просла́вися: та́ бо, Безсме́ртне, я́ко всемогу́щая, проти́вныя сотре́, изра́ильтяном пу́ть глубины́ новосоде́лавшая.

Преми́рными блиста́ньми Трисо́лнечныя Зари́ озаря́еми, му́ченицы всехва́льнии, благоче́стно ва́с ны́не блажа́щия во светоно́снем ва́шем страда́нии просвети́те.

Глаго́лы, я́ко стрела́ми, прему́дрии, пребеззако́нных сердца́ уязви́сте, те́мже претерпе́сте пожда́нно я́звы и ра́ны, испове́дающе Бо́жие свято́е и́мя.

Священносло́вии свяще́нными пред мучи́тельскими суди́щи пропове́давше, му́ченицы приснопа́мятнии, на́с ра́ди пострада́ти Изво́лившаго, наноси́мыя тве́рдо му́ки претерпе́сте.

Богоро́дичен: Яви́лася еси́ ши́рши небе́с, нигде́же вмести́маго вопло́щши, Того́ у́бо моли́ вся́кия на́с тесноты́ изба́вити и ве́чнаго, Де́во Ма́ти, муче́ния.

Ирмо́с: Еди́не Ве́дый челове́ческаго существа́ не́мощь и ми́лостивно в не́ вообра́жся, препоя́ши мя́ с высоты́ си́лою, е́же вопи́ти Тебе́, Святы́й: одушевле́нный хра́ме неизрече́нныя сла́вы Твоея́, Человеколю́бче.

Ума́ чи́стыми прило́ги Боже́ственная зря́ще, му́жеским нра́вом, блаже́ннии, к му́кам устреми́стеся, вражде́бнаго безпло́тнаго страда́льца побежда́юще с те́лом, те́мже прославля́етеся.

Уде́с отсече́ния за Христа́, му́дрии, претерпе́вше, крове́й боже́ственными проли́тии зе́млю преподо́бно освяти́сте и на тре́бищныя де́моном приноси́мыя уста́висте, му́ченицы, кро́ви.

Положе́ни бы́сте, я́коже светоза́рнии, на высоте́ страда́ния, я́ко вои́стинну зве́зды, озаря́юще вселе́нную незаходи́мыми сия́ньми и тму́ реша́ще ле́сти, святи́и, сего́ ра́ди ве́рно ублажа́етеся.

Богоро́дичен: Во чре́ве прия́ла еси́ Христа́, чре́во истощи́вшаго а́дово вседе́йственным сове́том. Того́ моли́, Богора́дованная, от рабо́ты изба́вити грехо́вныя вся́, ве́рно при́сно блажа́щия Тя́.

Седа́лен, гла́с 1.

Тро́ицу Честну́ю тро́ица му́чеников пред мно́гими испове́да наро́ды и лико́м причто́шася безпло́тных, страда́вше. Си́х дне́сь восхва́лим ве́рою, пра́зднующе свяще́нную и́х па́мять и мироспаси́тельную.

Сла́ва, и ны́не, богоро́дичен: Упова́ние христиа́н, Пресвята́я Де́во, Его́же родила́ еси́, Бо́га, па́че ума́ же и сло́ва, непреста́нно моли́ с вы́шними си́лами пода́ти оставле́ние грехо́в на́ших все́х и исправле́ние жития́ ве́рою и любо́вию при́сно Тя́ сла́вящим.

Крестобогоро́дичен: Нескве́рная А́гница, А́гнца и Па́стыря пове́шена на дре́ве ме́ртва зря́щи, пла́чущи веща́ше, и Ма́терски восклица́ющи: ка́ко претерплю́ Твое́, е́же па́че сло́ва, Сы́не Мо́й, сни́тие и во́льныя Стра́сти, Бо́же Преблаги́й?

Ирмо́с: Го́ру Тя́, благода́тию Бо́жиею приосене́нную, прозорли́выма Авваку́м усмотри́в очи́ма, из Тебе́ изы́ти Изра́илеву провозглаша́ше Свято́му, во спасе́ние на́ше и обновле́ние.

Стоя́ху трие́ на три́знищи, пропове́дающе Еди́наго Трисо́лнечна Бо́га и ра́н разжже́ние кре́пко терпя́ще, столпы́ о́гненны Це́ркве яви́шася, благочести́вых о Христе́ предводя́щии.

Поста́вльше но́зе на ка́мени ве́ры, не поколеба́стеся мно́гих искуше́ний кова́рствии, но яви́стеся непоколеби́ми, злочести́выя запина́юще, му́ченицы, и вся́чески охужда́юще благода́тию.

Я́ко честно́е ка́мение, на земли́ валя́ющеся, зда́ние лука́вное многобо́жия вои́стинну, прему́дрии, разори́сте, и себе́ са́мыя Бо́жия хра́мы созда́сте, и ко хра́му небе́сному взя́стеся.

Богоро́дичен: Яви́ся Твоя́ утро́ба богоно́сная пала́та, в не́йже все́х Ца́рь почи́, Христо́с, хра́мы содева́я, Ма́ти Чи́стая, и светоза́рная жили́ща благочести́выя непристу́пнаго Божества́.

Ирмо́с: Просвети́вый сия́нием прише́ствия Твоего́, Христе́, и освети́вый кресто́м Твои́м ми́ра концы́, сердца́ просвети́ све́том Твоего́ богоразу́мия правосла́вно пою́щих Тя́.

Зако́н Боже́ственный соблюда́юще, добропобе́днии му́ченицы, беззако́нным му́жеским нра́вом противоста́сте и, уязвля́еми и растерза́еми телесы́, побе́ду ве́чную взя́сте.

Восхва́лим Васили́ска и ве́рою почти́м Клеони́ка и Евтро́пия велему́дрыя, ве́рою пострада́вшия за Тро́ицу Всесвяту́ю и па́че со́лнца просия́вшия.

Чудеса́ соверша́юще в сла́ву Бо́га на́шего, привлеко́сте зря́щия к ве́ре Спа́сове, му́ченицы многострада́льнии, цве́ти кра́снии ра́йстии, церко́вная утвержде́ния.

Богоро́дичен: Сия́нием от Тебе́ па́че ума́ возсия́вшаго озари́ на́ша мы́сли, Всенепоро́чная, и тму́ ума́ли помысло́в душетле́нных, я́ко да пое́м Тя́, Влады́чице.

Ирмо́с: Обы́де на́с после́дняя бе́здна, не́сть избавля́яй, вмени́хомся, я́ко о́вцы заколе́ния, спаси́ лю́ди Твоя́, Бо́же на́ш, Ты́ бо кре́пость немощству́ющих и исправле́ние.

Ра́дуется земля́ и небе́сная, лику́ют челове́цы, ле́тний соверша́юще пра́здник, е́же за Христа́ страда́ния блаже́нная до́блественно претерпе́вших ума́ тве́рдостию.

Почти́л еси́ до́брыми твои́ми нра́вы, Евтро́пие, Бо́га Преблага́го, победи́л еси́ хи́трости вра́жия. Те́мже тя́ почита́ют вси́ челове́цы, тобо́ю прегреше́ний разреше́ние прия́ти наде́ющиися.

Исцеле́ний исто́чники излива́юще, зно́й отгна́сте неду́гов и скорбе́й, му́дрии, все́м благоздра́вие посыла́юще, благоче́стно ва́шему покро́ву при́сно притека́ющим.

Богоро́дичен: Увяди́вшая Твои́м прозябе́нием, Всенепоро́чная, дре́вле прозя́бшую преступле́нием зло́бу вра́жию, в души́ мое́й прозяба́ющия душетле́нныя и терно́вныя по́мыслы исто́ргни.

Ирмо́с: Тебе́, у́мную, Богоро́дице, пе́щь разсмотря́ем, ве́рнии, я́коже бо о́троки спасе́ три́ Превозноси́мый, ми́р обнови́, во чре́ве Твое́м всеце́л, хва́льный отце́в Бо́г и препросла́влен.

Я́коже наслажде́ние боже́ственное вменя́юще удо́в отсече́ние, зауше́ния, строга́ния и сме́рть ну́ждную, му́ченицы веселя́щеся и Бо́гу усе́рдно пою́ще: хва́льный отце́в Бо́г и препросла́влен.

По мно́гих томле́ниих телесе́ кре́ст претерпе́сте кре́пко в подо́бии Изба́вителя, сла́вне Евтро́пие, вели́кий Клеони́че, и блаже́нную кончи́ну получи́сте, хва́льнаго воспева́юще Бо́га и препросла́вленнаго.

Взира́ти ва́м предповелева́я к безсме́ртным воздая́нием, в темни́це яви́ся Христо́с, Его́же ви́девше, дерзнове́ния испо́лнистеся, взыва́юще, му́ченицы сла́внии: хва́льный отце́в Бо́г и препросла́влен.

Богоро́дичен: Изба́ви ны́, Пресвята́я Влады́чице, от язы́ческаго наше́ствия, сре́тения лука́ваго, вся́каго обстоя́ния и осужде́ния ве́чнаго, ве́рою зову́щия: хва́льный отце́в Бо́г и препросла́влен.

Ирмо́с: В пещи́ о́троцы Изра́илевы, я́коже в горни́ле, добро́тою благоче́стия чисте́е зла́та блеща́хуся, глаго́люще: благослови́те, вся́ дела́ Госпо́дня, Го́спода, по́йте и превозноси́те во вся́ ве́ки.

Просте́рт иму́ще у́м, ко Еди́ному Влады́це простро́стеся, уязвля́еми, всехва́льнии, зе́льне и му́чими, вопию́ще: вся́ дела́ Госпо́дня, Го́спода по́йте и превозноси́те во вся́ ве́ки.

Возвы́сившеся на кресте́, я́коже дре́вле Влады́ка, вели́каго сподо́бистеся благосла́вия, страда́льцы, вопию́ще и глаго́люще: благослови́те, вся́ дела́ Госпо́дня, Го́спода, по́йте и превозноси́те во вся́ ве́ки.

Си́лою Боже́ственною, всеблагосла́внии, укре́пльшеся, страстоте́рпцы, беззако́нных ополче́ния победи́ша кре́пко, пою́ще и глаго́люще: благослови́те, вся́ дела́ Госпо́дня, Го́спода, по́йте и превозноси́те во вся́ ве́ки.

Тро́ичен: Я́ко Еди́ницу естество́м, Тя́ пою́, Божество́ Всесвято́е, Треми́ же Ипоста́сьми несе́чно разделя́я, зову́, ра́дуяся: благослови́те, вся́ дела́ Госпо́дня, Го́спода, по́йте и превозноси́те во вся́ ве́ки.

Богоро́дичен: Хра́м яви́лася еси́ Емману́ила и две́рь, Е́юже Еди́н вни́де и изы́де, я́коже Са́м ве́сть, Чи́стая, спаса́я зову́щия: благослови́те, вся́ дела́ Госпо́дня, Го́спода, по́йте и превозноси́те во вся́ ве́ки.

Ирмо́с: О́браз чи́стаго рождества́ Твоего́ огнепали́мая купина́ показа́ неопа́льная; и ны́не на на́с напа́стей свире́пеющую угаси́ти, мо́лимся, пе́щь, да Тя́, Богоро́дице, непреста́нно велича́ем.

Да Иису́са приобря́щете, насу́щаго жития́ вся́ вмени́сте уме́ты, я́коже Па́вел боже́ственный научи́. Сего́ ра́ди до́бре пострада́вше, на небесе́х обита́ете, венцено́сцы великоимени́тии.

Яви́ся, я́коже сто́лп треуго́льный, свяще́нных му́ченик боже́ственное собра́ние, сте́ны лука́ваго безбо́жия низложи́ша благода́тию, и ны́не живу́т во гра́де Бо́га Жива́го, перворо́дных в ски́ниих.

Вене́ц нетле́ния, святи́и, от Христа́ прие́мше, багряни́цу же омочи́вше от му́ченических ва́ших крове́й, предстоите́ Царю́ веко́в, осия́еми све́тлыми светоли́тии и всебога́тными раздая́нии.

Уже́ Бо́гу прибли́жившеся и со безпло́тными собо́ры пра́зднующе, на земли́ ва́с при́сно блажа́щия и па́мять ва́шу пра́зднующия, му́ченицы, небе́сную получи́ти све́тлость испроси́те.

Богоро́дичен: Ужаса́ются а́нгельстии чи́ни от Твои́х ложе́сн Возсия́вшаго, Его́же о на́с, Де́во Ма́ти, моли́, я́ко да стра́шныя вся́ изба́вит му́ки и тмы́ кроме́шныя, пою́щия Тя́.

І҆рмо́съ: Твоѧ̀ побѣди́тельнаѧ десни́ца бг҃олѣ́пнѡ въ крѣ́пости просла́висѧ: та́ бо, безсме́ртне, ꙗ҆́кѡ всемогꙋ́щаѧ, проти̑вныѧ сотрѐ, і҆и҃льтѧнѡмъ пꙋ́ть глꙋбины̀ новосодѣ́лавшаѧ.

Премі́рными блиста́ньми трисо́лнечныѧ зарѝ ѡ҆зарѧ́еми, мꙋ́чєницы всехва́льнїи, благоче́стнѡ ва́съ ны́нѣ блажа́щыѧ, во свѣтоно́снѣмъ ва́шемъ страда́нїи просвѣти́те.

Глаго́лы ꙗ҆́кѡ стрѣла́ми, премꙋ́дрїи, пребеззако́нныхъ сердца̀ ᲂу҆ѧзви́сте: тѣ́мже претерпѣ́сте пожда́ннѡ ꙗ҆́звы и҆ ра̑ны, и҆сповѣ́дающе бж҃їе ст҃о́е и҆́мѧ.

Свѧщеннослѡ́вїи свѧще́нными, предъ мꙋчи́тельскими сꙋди́щи проповѣ́давше, мꙋ́чєницы приснопа́мѧтнїи, на́съ ра́ди пострада́ти и҆зво́лившагѡ, наноси̑мыѧ тве́рдѡ мꙋ̑ки претерпѣ́сте.

Бг҃оро́диченъ: Ꙗ҆ви́ласѧ є҆сѝ ши́рши нб҃съ, нигдѣ́же вмѣсти́маго вопло́щши: того̀ ᲂу҆́бѡ молѝ, всѧ́кїѧ на́съ тѣсноты̀ и҆зба́вити, и҆ вѣ́чнагѡ, дв҃о мт҃и, мꙋче́нїѧ.

І҆рмо́съ: Є҆ди́не вѣ́дый человѣ́ческагѡ сꙋщества̀ не́мощь, и҆ ми́лостивнѡ въ нѐ воѡбра́жсѧ, препоѧ́ши мѧ̀ съ высоты̀ си́лою, є҆́же вопи́ти тебѣ̀, ст҃ы́й, ѡ҆дꙋшевле́нный хра́ме, неизрече́нныѧ сла́вы твоеѧ̀, чл҃вѣколю́бче.

Оу҆ма̀ чи́стыми прило́ги бжⷭ҇твєннаѧ зрѧ́ще, мꙋ́жескимъ нра́вомъ, блаже́ннїи, къ мꙋ́камъ ᲂу҆стреми́стесѧ, вражде́бнаго безпло́тнаго страда́льца побѣжда́юще съ тѣ́ломъ: тѣ́мже прославлѧ́етесѧ.

Оу҆де́съ ѿсѣчє́нїѧ за хрⷭ҇та̀, мꙋ́дрїи, претерпѣ́вше, крове́й бжⷭ҇твенными проли̑тїи зе́млю преподо́бнѡ ѡ҆свѧти́сте: и҆ на трє́бищныѧ де́мѡнѡмъ приноси̑мыѧ ᲂу҆ста́висте, мꙋ́чєницы, крѡ́ви.

Положе́ни бы́сте ꙗ҆́коже свѣтоза́рнїи на высотѣ̀ страда́нїѧ, ꙗ҆́кѡ вои́стиннꙋ ѕвѣ́зды ѡ҆зарѧ́юще вселе́ннꙋю незаходи́мыми сїѧ́ньми, и҆ тмꙋ̀ рѣша́ще ле́сти, ст҃і́и: сегѡ̀ ра́ди вѣ́рнѡ ᲂу҆блажа́етесѧ.

Бг҃оро́диченъ: Во чре́вѣ прїѧ́ла є҆сѝ хрⷭ҇та̀, чре́во и҆стощи́вшаго а҆́дово, вседѣ́йственнымъ совѣ́томъ: того̀ молѝ, бг҃ора́дованнаѧ, ѿ рабо́ты и҆зба́вити грѣхо́вныѧ всѧ̑ вѣ́рнѡ при́снѡ блажа́щыѧ тѧ̀.

Сѣда́ленъ, гла́съ а҃.

Трⷪ҇цꙋ честнꙋ́ю тро́ица мꙋ́ченикѡвъ предъ мно́гими и҆сповѣ́да нарѡ́ды, и҆ ликѡ́мъ причто́шасѧ безпло́тныхъ, страда́вше. си́хъ дне́сь восхва́лимъ вѣ́рою, пра́зднꙋюще свѧще́ннꙋю и҆́хъ па́мѧть и҆ мїроспаси́тельнꙋю.

Сла́ва, и҆ ны́нѣ, бг҃оро́диченъ: Оу҆пова́нїе хрⷭ҇тїа́нъ, прест҃а́ѧ дв҃о, є҆го́же родила̀ є҆сѝ бг҃а, па́че ᲂу҆ма́ же и҆ сло́ва, непреста́ннѡ молѝ съ вы́шними си́лами, пода́ти ѡ҆ставле́нїе грѣхѡ́въ на́шихъ всѣ́хъ, и҆ и҆справле́нїе житїѧ̀, вѣ́рою и҆ любо́вїю при́снѡ тѧ̀ сла́вѧщымъ.

Крⷭ҇тобг҃оро́диченъ: Нескве́рнаѧ а҆́гница, а҆́гнца и҆ па́стырѧ повѣ́шена на дре́вѣ ме́ртва зрѧ́щи, пла́чꙋщи вѣща́ше, и҆ мт҃ерски восклица́ющи: ка́кѡ претерплю̀ твоѐ, є҆́же па́че сло́ва, сн҃е мо́й, сни́тїе, и҆ вѡ́льныѧ стра̑сти, бж҃е преблагі́й;

І҆рмо́съ: Го́рꙋ тѧ̀, бл҃года́тїю бж҃їею приѡсѣне́ннꙋю, прозорли́выма а҆ввакꙋ́мъ ᲂу҆смотри́въ ѻ҆чи́ма, и҆зъ тебє̀ и҆зы́ти і҆и҃левꙋ провозглаша́ше ст҃о́мꙋ, во спасе́нїе на́ше и҆ ѡ҆бновле́нїе.

Стоѧ́хꙋ трїѐ на три́знищи, проповѣ́дающе є҆ди́наго трисо́лнечна бг҃а, и҆ ра́нъ разжже́нїе крѣ́пкѡ терпѧ́ще, столпы̀ ѻ҆́гнєнны цр҃кве ꙗ҆ви́шасѧ, благочести́выхъ ѡ҆ хрⷭ҇тѣ̀ предводѧ́щїи.

Поста́вльше но́зѣ на ка́мени вѣ́ры, не поколеба́стесѧ мно́гихъ и҆скꙋше́нїй кова̑рствїи: но ꙗ҆ви́стесѧ непоколеби́ми, ѕлочєсти́выѧ запина́юще, мꙋ́чєницы, и҆ всѧ́чески ѡ҆хꙋжда́юще благода́тїю.

Ꙗ҆́кѡ честно́е ка́менїе на землѝ валѧ́ющесѧ, зда́нїе лꙋка́вное многобо́жїѧ вои́стиннꙋ, премꙋ́дрїи, разори́сте: и҆ себѐ са̑мыѧ бж҃їѧ хра́мы созда́сте, и҆ ко хра́мꙋ небе́сномꙋ взѧ́стесѧ.

Бг҃оро́диченъ: Ꙗ҆ви́сѧ твоѧ̀ ᲂу҆тро́ба бг҃оно́снаѧ пала́та, въ не́йже всѣ́хъ цр҃ь почѝ хрⷭ҇то́съ, хра́мы содѣва́ѧ, мт҃и чⷭ҇таѧ, и҆ свѣтоза̑рнаѧ жили̑ща благочести̑выѧ непристꙋ́пнагѡ бжⷭ҇тва̀.

І҆рмо́съ: Просвѣти́вый сїѧ́нїемъ прише́ствїѧ твоегѡ̀, хрⷭ҇тѐ, и҆ ѡ҆свѣти́вый крⷭ҇то́мъ твои́мъ мі́ра концы̀, сердца̀ просвѣтѝ, свѣ́томъ твоегѡ̀ бг҃оразꙋ́мїѧ, правосла́внѡ пою́щихъ тѧ̀.

Зако́нъ бжⷭ҇твенный соблюда́юще, добропобѣ́днїи мꙋ́чєницы, беззакѡ́ннымъ мꙋ́жескимъ нра́вомъ противоста́сте: и҆ ᲂу҆ѧзвлѧ́еми и҆ растерза́еми тѣлесы̀, побѣ́дꙋ вѣ́чнꙋю взѧ́сте.

Восхва́лимъ васїлі́ска, и҆ вѣ́рою почти́мъ клеоні́ка и҆ є҆ѵтро́пїа, велемꙋ̑дрыѧ вѣ́рою пострада́вшыѧ, за трⷪ҇цꙋ всест҃ꙋ́ю, и҆ па́че со́лнца просїѧ́вшыѧ.

Чꙋдеса̀ соверша́юще въ сла́вꙋ бг҃а на́шегѡ, привлеко́сте зрѧ́щыѧ къ вѣ́рѣ сп҃совѣ, мꙋ́чєницы многострада́льнїи, цвѣ́ти кра́снїи ра́йстїи, церкѡ́внаѧ ᲂу҆тверждє́нїѧ.

Бг҃оро́диченъ: Сїѧ́нїемъ ѿ тебє̀ па́че ᲂу҆ма̀ возсїѧ́вшагѡ ѡ҆зарѝ на́шѧ мы̑сли, всенепоро́чнаѧ, и҆ тмꙋ̀ ᲂу҆ма́ли помыслѡ́въ дꙋшетлѣ́нныхъ, ꙗ҆́кѡ да пое́мъ тѧ̀, влⷣчце.

І҆рмо́съ: Ѡ҆бы́де на́съ послѣ́днѧѧ бе́здна, нѣ́сть и҆збавлѧ́ѧй, вмѣни́хомсѧ, ꙗ҆́кѡ ѻ҆́вцы заколе́нїѧ, спасѝ лю́ди твоѧ̑, бж҃е на́шъ: ты́ бо крѣ́пость немощствꙋ́ющихъ и҆ и҆справле́нїе.

Ра́дꙋетсѧ землѧ̀ и҆ нбⷭ҇наѧ, ликꙋ́ютъ человѣ́цы, лѣ́тнїй соверша́юще пра́здникъ, є҆́же за хрⷭ҇та̀ страда̑нїѧ блажє́ннаѧ до́блественнѡ претерпѣ́вшихъ, ᲂу҆ма̀ тве́рдостїю.

Почти́лъ є҆сѝ до́брыми твои́ми нра́вы, є҆ѵтро́пїе, бг҃а пребл҃га́го, побѣди́лъ є҆сѝ хи́трѡсти вра̑жїѧ. Тѣ́мже тѧ̀ почита́ютъ всѝ человѣ́цы, тобо́ю прегрѣше́нїй разрѣше́нїе прїѧ́ти надѣ́ющїисѧ.

И҆сцѣле́нїй и҆сто́чники и҆злива́юще, зно́й ѿгна́сте недꙋ́гѡвъ и҆ скорбе́й, мꙋ́дрїи, всѣ̑мъ благоздра́вїе посыла́юще, благоче́стнѡ ва́шемꙋ покро́вꙋ при́снѡ притека́ющымъ.

Бг҃оро́диченъ: Оу҆вѧди́вшаѧ твои́мъ прозѧбе́нїемъ, всенепоро́чнаѧ, дре́вле прозѧ́бшꙋю престꙋпле́нїемъ ѕло́бꙋ вра́жїю, въ дꙋшѝ мое́й прозѧба́ющыѧ дꙋшетлѣ̑нныѧ и҆ тернѡ́вныѧ по́мыслы и҆сто́ргни.

І҆рмо́съ: Тебѐ ᲂу҆́мнꙋю, бцⷣе, пе́щь разсмотрѧ́емъ вѣ́рнїи: ꙗ҆́коже бо ѻ҆́троки спасѐ трѝ превозноси́мый, мі́ръ ѡ҆бновѝ, во чре́вѣ твое́мъ всецѣ́лъ, хва́льный ѻ҆тцє́въ бг҃ъ и҆ препросла́вленъ.

Ꙗ҆́коже наслажде́нїе бжⷭ҇твенное вмѣнѧ́юще ᲂу҆дѡ́въ ѿсѣче́нїе, заꙋшє́нїѧ, строга̑нїѧ, и҆ сме́рть нꙋ́жднꙋю, мꙋ́чєницы веселѧ́щесѧ, и҆ бг҃ꙋ ᲂу҆се́рднѡ пою́ще: хва́льный ѻ҆тцє́въ бг҃ъ и҆ препросла́вленъ.

По мно́гихъ томле́нїихъ тѣлесѐ, кре́стъ претерпѣ́сте крѣ́пкѡ въ подо́бїи и҆зба́вителѧ, сла́вне є҆ѵтро́пїе, вели́кїй клеоні́че, и҆ блаже́ннꙋю кончи́нꙋ полꙋчи́сте, хва́льнаго воспѣва́юще бг҃а, и҆ препросла́вленнаго.

Взира́ти ва́мъ предповелѣва́ѧ къ безсмє́ртнымъ воздаѧ́нїємъ, въ темни́цѣ ꙗ҆ви́сѧ хрⷭ҇то́съ: є҆го́же ви́дѣвше дерзнове́нїѧ и҆спо́лнистесѧ взыва́юще, мꙋ́чєницы сла́внїи: хва́льный ѻ҆тцє́въ бг҃ъ и҆ препросла́вленъ.

Бг҃оро́диченъ: И҆зба́ви ны̀, прест҃а́ѧ влⷣчце, ѿ ꙗ҆зы́ческагѡ наше́ствїѧ, срѣ́тенїѧ лꙋка́вагѡ, всѧ́кагѡ ѡ҆бстоѧ́нїѧ и҆ ѡ҆сꙋжде́нїѧ вѣ́чнагѡ, вѣ́рою зовꙋ́щыѧ: хва́льный ѻ҆тцє́въ бг҃ъ и҆ препросла́вленъ.

І҆рмо́съ: Въ пещѝ ѻ҆́троцы і҆и҃лєвы, ꙗ҆́коже въ горни́лѣ, добро́тою бл҃гоче́стїѧ чистѣ́е зла́та блеща́хꙋсѧ, глаго́люще: бл҃гослови́те, всѧ̑ дѣла̀ гдⷭ҇нѧ, гдⷭ҇а, по́йте и҆ превозноси́те во всѧ̑ вѣ́ки.

Просте́ртъ и҆мꙋ́ще ᲂу҆́мъ, ко є҆ди́номꙋ влⷣцѣ простро́стесѧ ᲂу҆ѧзвлѧ́еми, всехва́льнїи, ѕѣ́льнѣ, и҆ мꙋ́чими вопїю́ще: всѧ̑ дѣла̀ гдⷭ҇нѧ, гдⷭ҇а по́йте и҆ превозноси́те во всѧ̑ вѣ́ки.

Возвы́сившесѧ на крестѣ̀, ꙗ҆́коже дре́вле влⷣка, вели́кагѡ сподо́бистесѧ благосла́вїѧ, страда́льцы, вопїю́ще и҆ глаго́люще: благослови́те, всѧ̑ дѣла̀ гдⷭ҇нѧ, гдⷭ҇а, по́йте и҆ превозноси́те во всѧ̑ вѣ́ки.

Си́лою бжⷭ҇твенною, всеблагосла́внїи, ᲂу҆крѣ́пльшесѧ, страстоте́рпцы, беззако́нныхъ ѡ҆полчє́нїѧ побѣди́ша крѣ́пкѡ, пою́ще и҆ глаго́люще: благослови́те, всѧ̑ дѣла̀ гдⷭ҇нѧ, гдⷭ҇а, по́йте и҆ превозноси́те во всѧ̑ вѣ́ки.

Трⷪ҇ченъ: Ꙗ҆́кѡ є҆ди́ницꙋ є҆стество́мъ, тѧ̀ пою̀ бжⷭ҇тво̀ всест҃о́е, треми́ же ѵ҆поста́сьми несѣ́чнѡ раздѣлѧ́ѧ, зовꙋ̀ ра́дꙋѧсѧ: благослови́те, всѧ̑ дѣла̀ гдⷭ҇нѧ, гдⷭ҇а, по́йте и҆ превозноси́те во всѧ̑ вѣ́ки.

Бг҃оро́диченъ: Хра́мъ ꙗ҆ви́ласѧ є҆сѝ є҆мманꙋ́ила и҆ две́рь, є҆́юже є҆ди́нъ вни́де и҆ и҆зы́де, ꙗ҆́коже са́мъ вѣ́сть, чⷭ҇таѧ, спаса́ѧ зовꙋ́щыѧ: благослови́те, всѧ̑ дѣла̀ гдⷭ҇нѧ, гдⷭ҇а, по́йте и҆ превозноси́те во всѧ̑ вѣ́ки.

І҆рмо́съ: Ѻ҆́бразъ чи́стагѡ рождества̀ твоегѡ̀ ѻ҆гнепали́маѧ кꙋпина̀ показа̀ неѡпа́льнаѧ: и҆ ны́нѣ на на́съ напа́стей свирѣ́пѣющꙋю ᲂу҆гаси́ти, мо́лимсѧ, пе́щь, да тѧ̀, бцⷣе, непреста́ннѡ велича́емъ.

Да і҆и҃са приѡбрѧ́щете, насꙋ́щагѡ житїѧ̀ всѧ̑ вмѣни́сте ᲂу҆ме́ты, ꙗ҆́коже па́ѵелъ бжⷭ҇твенный наꙋчѝ: сегѡ̀ ра́ди до́брѣ пострада́вше, на нб҃сѣ́хъ ѡ҆бита́ете, вѣнцено́сцы великоимени́тїи.

Ꙗ҆ви́сѧ ꙗ҆́коже сто́лпъ треꙋго́льный свѧще́нныхъ мꙋ́чєникъ бжⷭ҇твенное собра́нїе, стѣ́ны лꙋка́вагѡ безбо́жїѧ низложи́ша благода́тїю: и҆ ны́нѣ живꙋ́тъ во гра́дѣ бг҃а жива́гѡ, перворо́дныхъ въ ски́нїихъ.

Вѣне́цъ нетлѣ́нїѧ, ст҃і́и, ѿ хрⷭ҇та̀ прїе́мше, багрѧни́цꙋ же ѡ҆мочи́вше ѿ мꙋ́ченическихъ ва́шихъ крове́й, предстоитѐ цр҃ю̀ вѣкѡ́въ, ѡ҆сїѧ́еми свѣ́тлыми свѣтоли̑тїи, и҆ всебога́тными раздаѧ̑нїи.

Оу҆жѐ бг҃ꙋ прибли́жившесѧ, и҆ со безпло́тными собѡ́ры пра́зднꙋюще, на землѝ ва́съ при́снѡ блажа́щыѧ, и҆ па́мѧть ва́шꙋ пра́зднꙋющыѧ, мꙋ́чєницы, нбⷭ҇нꙋю полꙋчи́ти свѣ́тлость, и҆спроси́те.

Бг҃оро́диченъ: Оу҆жаса́ютсѧ а҆́гг҃льстїи чи́ни, ѿ твои́хъ ложе́снъ возсїѧ́вшагѡ: є҆го́же ѡ҆ на́съ, дв҃о ма́ти, молѝ, ꙗ҆́кѡ да стра́шныѧ всѧ̑ и҆зба́витъ мꙋ́ки и҆ тмы̀ кромѣ́шнїѧ, пою́щыѧ тѧ̀.

Евтропий Амасийский

Жития мучеников Евтропия, Клеоника и Василиска

Святые мученики Евтропий, Клеоник и Василиск пострадали в городе Амасии Понтийской (Малая Азия) около 308 года.

Братья Евтропий и Клеоник и племянник святого великомученика Феодора Тирона (память 17 февраля) Василиск были друзьями. После мученической кончины святого Феодора они находились в заключении и своей проповедью привели к христианской вере многих язычников, бывших с ними в темнице.

Когда истязавший святого Феодора Публий бесславно погиб, пораженный Божиим гневом, правителем Амасии Понтийской был назначен Асклипиодот, не уступавший в жестокости своему предшественнику. Узнав, что друзья мученика Феодора Тирона все еще находятся в темнице, правитель велел привести их к себе. Перед новым правителем святые Евтропий, Клеоник и Василиск так же твердо исповедали веру во Христа. Они были беспощадно избиты, так что тела их превратились в сплошную рану. Во время пыток святой Евтропий громко молился Спасителю: “Даждь, Господи, нам терпения совершенного в ранах сих ради венца мученического, и прииди на помощь к нам, якоже к рабу Твоему Феодору пришел еси”. В ответ на мольбу святого мученикам явился Сам Господь с Ангелами и с ними святой великомученик Феодор Тирон, сказавший им: “Се на помощь вашу Спаситель прииде, да известны будете о вечной жизни”.

Воины и многие из стоявших поблизости людей также сподобились видеть Спасителя. Они стали просить Асклипиодота прекратить пытки. Увидев, что народ волнуется и готов уверовать в Истинного Бога, правитель велел увести мучеников. Потом правитель пригласил святого Евтропия к себе на обед и предложил ему публично принести жертвы языческим богам, а в душе оставаться христианином.

Но Евтропий отверг это предложение. На следующий день мучеников привели в языческий храм, чтобы насильно заставить их принести жертвы. Тогда Евтропий стал просить Спасителя: “Господи, буди с нами, а все языческое беснование истреби. Даждь, да на месте сем христиане Бескровные Жертвы принесут Тебе, Истинному Богу”. Только прозвучало последнее слово молитвы, как началось землетрясение, стали рушиться стены храма, а с ними разбилось и изображение богини Артемиды. Все бросились из храма, чтобы не погибнуть среди развалин. Среди шума землетрясения раздался свыше глас: “Молитва ваша услышана, и на этом месте будет дом для молитвы христиан”.

Когда кончилось землетрясение, едва опомнившийся от страха правитель Асклипиодот велел врыть в землю высокие деревянные колья, привязать к ним мучеников и поливать кипящей смолой. Святые стали молиться Богу, а Евтропий воскликнул, обращаясь к мучителям: “Да обратит Господь дело ваше против вас!” И смола стала обтекать тела мучеников, как вода мрамор, и обжигать мучителей. Видевшие это пришли в ужас, а правитель в ожесточении приказал рвать тела святых железными крючьями и уязвлять их раны горчицей, смешанной с солью и уксусом. Святые и эти муки перенесли с удивительной твердостью.

Последнюю ночь перед казнью мученики провели в молитве, и снова Господь явился им и укреплял их.

Утром 3 марта святые Евтропий и Клеоник были распяты, а Василиск оставлен в заточении.

22 мая в городе Команах казнили святого Василиска. Его обезглавили, а тело бросили в реку. Однако христиане нашли его останки и похоронили их на вспаханном поле. Позже в Команах была воздвигнута церковь во имя святого Василиска.

Василиск Команский

Краткое житие мученика Василиска Команского

Святой мученик Василиск был племянником святого мученика Феодора Тирона (память 17 февраля) и пострадал с его братьями Евтропием и Клеоником во время гонения на христиан императора Максимиана Галерия (305–311). Святые мученики Клеоник и Евтропий были распяты на крестах (память их 3 марта), а мученик Василиск был отправлен в Команы, где содержался в темнице. Правитель Агриппа, прибыв в город Амасию, начал преследовать христиан. Святой Василиск в темнице готовился к предстоявшему мученическому подвигу. Во сне ему явился Господь, обещавший мученику Свою помощь, и предсказал ему мученическую кончину в Команах. Святой Василиск просил темничных стражей отпустить его в родное селение проститься с родными. Его отпустили, так как почитали за святость жизни и совершаемые чудеса. Придя домой, святой Василиск сообщил родным, что видится с ними в последний раз, и убеждал их твердо стоять за веру.

Когда Агриппа узнал, что святой Василиск отпущен к родным, то пришел в ярость. Жестоко наказав темничных стражей, он послал за мучеником отряд воинов во главе с жестоким магистрианом (помощник правителя). Встретив возвращавшегося святого Василиска, магистриан надел на него тяжелые оковы, а ноги обул в медные сапоги с вбитыми в подошвы гвоздями, и отправил в Команы.

Дойдя до одного селения, в знойный полдень путники остановились в доме женщины Трояны. Воины пошли в дом отдохнуть и подкрепиться пищей, а святого мученика Василиска привязали к сухому дереву. Стоя в тяжких оковах под раскаленным солнцем, святой молился Богу. Внезапно послышался Голос свыше: “Не бойся, Я с тобою”. Земля заколебалась, и из скалы забил источник. Магистриан, воины и Трояна, испуганные землетрясением, выбежали из дома. Пораженные происшедшим чудом, они освободили мученика. К святому мученику приходили больные жители селения и получали исцеления по его молитве.

Когда, наконец, мученик предстал перед Агриппой, тот повелел ему принести жертву языческим богам. Мученик ответил: “Я всякий час приношу Богу жертву хвалы и благодарения”. Его повели в капище, где на святого Василиска мгновенно с неба сошел огонь, который сжег капище, а стоявших в нем идолов сокрушил в прах. Тогда Агриппа в бессильной ярости приказал отсечь святому Василиску голову, а тело его бросить в реку. Кончина мученика последовала в 308 году. Христиане вскоре выкупили святые мощи мученика и ночью тайно погребли на вспаханном поле. Через некоторое время на этом месте была построена церковь во имя святого мученика Василиска, в которую перенесли мощи. По святым молитвам мученика стали совершаться исцеления. Святителю Иоанну Златоусту (память 13 ноября) перед его кончиной, происшедшей в Команах, явился во сне святой мученик Василиск и произнес: “Завтра будем вместе”. О подвиге святого мученика Василиска поведал миру очевидец его страданий, святой Евсигний (память 5 августа).

Клеоник Амасийский

Жития мучеников Евтропия, Клеоника и Василиска

Святые мученики Евтропий, Клеоник и Василиск пострадали в городе Амасии Понтийской (Малая Азия) около 308 года.

Последнюю ночь перед казнью мученики провели в молитве, и снова Господь явился им и укреплял их.

Утром 3 марта святые Евтропий и Клеоник были распяты, а Василиск оставлен в заточении.

Молитва святому василиску

Канон святым мученикам Евтропию, Клеонику и Василиску

Евтропий Амасийский

Жития мучеников Евтропия, Клеоника и Василиска

Василиск Команский

Краткое житие мученика Василиска Команского

Клеоник Амасийский

Жития мучеников Евтропия, Клеоника и Василиска

Рекомендуем

ОСТАВЬТЕ ОТВЕТ Отменить ответ

ПОПУЛЯРНЫЕ МОЛИТВЫ

Молитва чтобы враг отстал

Молитва блудного сына отвернуть от любовницы

Заговор молитва на остуду

Молитва жены за усопших

НОВЫЕ МОЛИТВЫ

Молитва в 1 неделю поста

Молитва чтоб мужчина полюбил и скучал заговор

Заговор молитва на повышения зарплаты

Молитва любит себя