Молитва зосима верховской

Все о религии и вере - "молитва зосима верховской" с подробным описанием и фотографиями.

Молитва зосима верховской

Избранный чудотворче и предивный угодниче Христов, скорый помощниче и молитвенниче наш,преподобне и богоносне отче наш Зосимо! Величающе прославльшего тя Господа, похвальная восписуем ти, к образу твоему с упованием, надеждою и любовию притекающе. Ты же, яко имеяй дерзновение ко Господу, от всяких нас бед свободи, зовущих:

Радуйся, преподобне и богоносне отче наш Зосимо, неусыпный о нас ко Христу Богу молитвенниче!

Ангелов Творец и судеб человеческих Промыслитель призвал тя, богоносне отче наш Зосимо, от рода благочестивых боляр смоленских, животворящую же благодатию Своею наполни и преобрази тя, ты бо зову Господню внимая, усердно поработал еси Ему, заветом отец святых следуя, возрастал еси в преподобии и правде; сего ради через тебя яви Вседержитель милосердие к чадом своим. Мы же, вся сия благоговейно воспоминая, с радостию и умилением приносим ти, заступниче наш небесный и богомудрый наставниче, похвалы сия:

Радуйся, в сонме преподобных Господеви предстаяй;

Радуйся, со ангелы гимны хвалебныя Царю Небесному воспеваяй;

Радуйся, за любящих тя Троицу Святую присно умоляяй;

Радуйся, милость Всенепорочныя Богоматери к нам приклоняяй;

Радуйся, о Бозе памятовати и размышляти ны присно научаяй;

Радуйся, ревностию о делании молитвенном обогащающий;

Радуйся, дарами благости и кротости нас преображдающий;

Радуйся, от греховных навыков души слабые прехвально исцеляющий;

Радуйся, преподобне и богоносне отче наш Зосимо, неусыпный о нас ко Христу Богу молитвенниче!

Видением чудным посети Господь благочестиваго родителя твоего, святый Зосимо, повеле Ему обучити тя премудрости духовней паче науки мирския; ты же поучением сродник твоих благочестивых и наставник духовных следуя, от младенческих лет навыкл еси умиленно и неустанно взывати Господеви: Аллилуйя!

Разум богопросвещен имея, уразумел еси, всехвальне, по словеси апостольскому, яко нужнейши всего есть благочестие, имже и потщался еси обогатитися от дней отрочества твоего, душу твою, в молитвах и научении словеси Божию всеусердно пребывая. Сего ради величаем тя сице:

Радуйся, сокровище Божественных разумений.

Радуйся, научивыйся исполнению Божественных хотений.

Радуйся, нищетою духа облеченный;

Радуйся, плач, омывающий и утешающий душу обретый.

Радуйся, кротостию, яже зло добром побеждаяй себе украсивый;

Радуйся, плод правды, совершенство добродетелей в себе возрастивый.

Радуйся, чисто сердце обителью Божией сотворивый.

Радуйся, мир чрез умаление зла и богатство любви источавый;

Радуйся, преподобне и богоносне отче наш Зосимо, неусыпный о нас ко Христу Богу молитвенниче!

Силою животворящия и освещающия благодати Божия движимый, прехвальне угодниче Господень, оставил еси служение благочестивей императрице российстей Елисавете и в обитель Коневскую удалился еси, тамо убо наставлением богомудрых наставник твоих Андриана и Василика следуя, начала подвиг твоих, о еже возрасти во благодати Духа Всесвятаго положил еси, сего ради просим тя: укрепи и нас, слабых и колеблемых злыма вихрями века сего, в делании духовнем, да тобою наставлениями, воспоем Господеви: Аллилуйя!

Имуще в богоозаренном сердце твоем любовь велию ко Спасителю, святый Зосимо, Богоматерию сокровенно наставляемый, притекл еси в леса рославльстии, богомудрым уроком пустынножителей приобщилися желая; идеже верным учеником и близким другом богоноснаго старца Василиска явился еси. Мы же начало жития твоего преподобническаго воспеваем и просим тя: помози нас утвердитися в добродетелех христоугодных и приими величания сия:

Радуйся, учения прехвальнаго Паисия Величковскаго ревностный восприемниче;

Радуйся, отцев Добротолюбия ревностный учениче и богоносный сонаследниче;

Радуйся, чистоты ангелоподобной и целомудрия поборниче;

Радуйся, веру и любовь ко Спасителю в сердцах наших воспламеняй;

Радуйся, от душевныя туги и уныния спасающий;

Радуйся, во Христе токмо отраду и утешение стяжати наставляющий;

Радуйся, велием благоговением пред Творцем души наша наполняющий;

Радуйся, ревностию ко спасению всех нас воодушевляяй;

Радуйся, преподобне и богоносне отче наш Зосимо, неусыпный о нас ко Христу Богу молитвенниче!

Бурю страстей и треволнений угасил еси, прехвальне Зосимо, егда в уединении пустыннем купно с Василиском преподобным в безмолвии и созерцании подвизался еси, с ним же паломничал по обителям российским, аки пчела трудолюбивая, нектар мудрости духовныя от старец богносных собирая; сие же поминая, просим тя: вдохнови и нас, слабых в молитве и делах благочестия, подражати тебе, наставниче наш небесный, в добродетельнем и христоугодном житии, да сподобимся и мы во веки со ангелы Спасителю воспевати: Аллилуйя!

Слышавше и читавше многоя о подвизех отцев афонстиих, преподобные и богоносные Зосимо и Василиче, к спасительной мудрости и освящающему деланию их приобщиться желая, любовию ко Господу Иисусу, нетварным светом озаряющему верных ученик своих, движимые, от пределов полунощных в страну греческую направили еста стопы своя. Обаче иный путь суди Вам Спаситель, призва вас на подвиг в землю Сибирскую. Сего же ради величаем тя, богоносне Зосимо, и вопием ти сице:

Радуйся, богомудрый страниче прежде всего Царствия Небеснаго искавый;

Радуйся, многие труды любве ради ко Господу восприявый;

Радуйся, тяготы пути дальняго кротце притерпевый;

Радуйся, отраду небесную еще на земли сокровенно вкусивый;

Радуйся, нам свято чтущих тя, дороги верныя указуяй;

Радуйся, разумети и творити волю Божию ны научаяй;

Радуйся, кающихся грешников со Иисусом примиряяй;

Радуйся, милость Богоматери к нам приклоняяй;

Радуйся, преподобне и богоносне отче наш Зосимо, неусыпный о нас ко Христу Богу молитвенниче!

Боготечно, яко звезда путеводная, путешествовал еси, преподобне отче наш Зосимо, и примером жития твоего многих ко Христу привел еси; ныне же всю Церковь Христианскую благодатно озаряеши чудесами и богомудрыми поучении твоими. Темже просим тя: не престай умоляти за нас Господа, о еже сподобитися и нам купно с тобою пети Ему: Аллилуйя!

Видевше оком духовным выну пред собою Предвечнаго Сладчайшего Господа и Возлюбленнаго Спасителя Нашего и в сердце твоем непрестанно творя молитву Иисусову, преподобный и богоносный отче наш Зосимо, в дебрех велиих лесов сибирстиих, древлем пустынножителям последуя, двадесять лет ангелоподобно и свято пожил еси, от силы в силу восходя в созерцании и богопознании; прилоги бесовстии благоискусно и всепобедно сокрушая, Господь видя веру твою и усердие от гибели от глада и потпления в пучине речной спасе тя. Темже и мы, величаем тя и просим преобрази мрак душ наших и приими благосклонно вещания сия:

Радуйся, мир о Дусе Святе в сердца наша таинственно вселяющий;

Радуйся, духовно бодрствовати нам помогающий;

Радуйся, к трезвлению и усердной молитве верныя приводящий;

Радуйся, живоносною водою благодати души наша наполняющий;

Радуйся, взоры духа нашего ко Христу Господу выну обращающий;

Радуйся, нечистые помыслы скоро пожигающий;

Радуйся, искушения и соблазны от нас прогоняющий;

Радуйся, к покаянию и исправлению жизни нашая подвизающий;

Радуйся, преподобне и богоносне отче наш Зосимо, неусыпный о нас ко Христу Богу молитвенниче!

Проповедует самое место пустынное, святый старче, на немже до конца жизни твоея подвизался еси; каковы бяху твои труди, подвизи и терпение, вселився же в пустыню, иже под градом Кузнецком, преподобне отче наш Зосимо, Крестителю в житии уподобися и в небесных дворех славу получивши, с небесными жители Богу предстоиши и поеши купно с ними: Аллилуйя!

Возсия, яко солнце в пустыни Сибирстей, но бегая молвы человеческия, преподобне Зосимо, отшел еси в непроходныя дебри, там убо внутренняго делания высоты молитвы непрестанныя достигл еси, отонудуже умными очами сердечными Свет присносущный воистину сподобился еси зрети, имже вельми озаренный сам световиден верным показался еси, темже просим тя: озари наша сердца, тьмою греховною покровенная; да елеем благих дел возжегши угасшия святильники наша, сподобимся брачнаго Христова чертога, идеже ты пребываеши со святыми и слышиши сия от нас благохваления:

Радуйся, безмолвия рачителю, пустыню духовно уплодоносивый;

Радуйся, подвижническим житием твоим сию прославивый;

Радуйся, древо благоплодное, при водах пустынных возрастшее;

Радуйся, плоды многия Христу принесый;

Радуйся, сладость безмолвия пустыннаго вкусивый;

Радуйся, постом и воздержанием плоть твою духу покоривый;

Радуйся, от козней вражеских святым крестом себе оградивый;

Радуйся, покрову Пресвятыя Богородицы ся предавый;

Радуйся, преподобне и богоносне отче наш Зосимо, неусыпный о нас ко Христу Богу молитвенниче!

Хотяй всем человеком спастися и Царствия Божия достигнути, ты, отче святый, в своем отречении от мира и строгом затворе обрел еси великий источник вдохновения, обаче любовию к ближнему пламеня, волю Божию исполняя, не отринул еси пришедших жен, спасения душ ради – общине начало в единей от весей сибирстиих положил еси и тако подражая Пастыреначальнику Христу, дерзновенно и невозбранно служил еси людем, поя Господу: Аллилуйя!

Новыя слезы радости и благодарения Богу излиял еси, преподобне отче, пламенем еже ко Христу любве разжегаемь, ты бо весь от юности Господеви предался еси, и к Нему добродетелию приблизился еси, тленная бо же на земли оставив, нетленное обрел еси богатство, и ныне во обителех небесных водворился еси со ангелы святыми и всеми праведниками. Сице молим тя: и нас озари светом любве Божия, да зовем ти:

Радуйся, духовных добродетелей доме, богоразумением украшенный;

Радуйся, твердый в уме, благодатию и истиною освященный;

Радуйся, великий в мудрости и больший в благоговении;

Радуйся, житием твоим Отца Небеснаго прославивый;

Радуйся, любовь Христову в сердце своем имевый;

Радуйся, заповеди Того сохранивый;

Радуйся, непрестанную молитву за вся люди носивый;

Радуйся, многих ищущих спасения духовному деланию научивый;

Радуйся, преподобне и богоносне отче наш Зосимо, неусыпный о нас ко Христу Богу молитвенниче!

Странника и пришельца в мире сем помышляя себе быти, преподобне отче наш Зосимо, от юности твоея девственное житие возлюбил еси, в посте и молитвах пребывая, и благоугождая Богу благоугождением всяческим, во еже быти тебе освященным сосудом Духа Святаго, всельшагося в непорочное сердце твое, и воздыхании неизглаголанными научившаго тя благоприятно пети Пресвятей Троице: Аллилуиа!

Весь исполнен был еси любве к Богу и ближним твоим, святый Зосимо, и сего ради безропотне принимал еси неисчетныя обиды от гонящих тя из обители Туринстей, идеже бесовским обещаниям угождая, жены нечестивыя изгнаша тя из обители клеветы ради, преподобне отче. Ты же преселился еси во пределы Московстии, идеже премного потрудился еси, обитель в честь похвалу Святыя Богородицы – Одигитрии; темже молим тя: помози нам представительством твоим у Всенепорочныя Владычицы Нашея сохранити в сердце веру истинную, упование непреложное, любовь к Богу и к ближним нелицемерную и приими величания сия:

Радуйся, изгнание правды ради претерпевший;

Радуйся, в кротости и смирении Матери Божией подражавший;

Радуйся, все упование твое на Царицу Небесную возлагавший;

Радуйся, Небесную помощь от Нея получавший;

Радуйся, козни нечестивых человек смирением победивый;

Радуйся, потоками слез спасительных орошенный;

Радуйся, спасительнаго долготерпения учителю;

Радуйся, светом добродетелей твоих град и страну нашу озаривый;

Радуйся, преподобне и богоносне отче наш Зосимо, неусыпный о нас ко Христу Богу молитвенниче!

Всякия собрал еси в души твоей плоды духовнаго делания, и сих ради честное обиталище Пресвятаго Духа был еси, заступниче теплый и ходатаю о всех сирых и обремененных, да молитвами твоима не отступит от нас вседеятельная благодать Господа нашего Всесвятаго Утешителя и не оскудеет в сердцах наших любовь ко Господу, всякое желание и всякий страх побеждающая, да тою направляеми и окриляеми сподобимся и мы с тобою присно пребывати в невечернем дни Царствия Божия, благодарственно поюще Вседержителю: Аллилуйя!

Витии земнороднии не возмогут по достоянию восхвалити досточудное житие твое, преподобне отче Зосимо, твоя подвиги и добродетели, имиже дух твой возвысив, на высоту духовнаго совершенства восшел еси, яко и при житии твоем и по преставлении твоем чудес множество великое сотворил еси, такожде бо и кладезь, своими руками ископал еси, иже и доныне изливает свои студеные воды на врачевание недуг человеческих, во славу Божию и на радость православным людем. Мы же таковым дивящеся, во умилении сердец наших приносим ти хваления сия:

Радуйся, добродетельная маслино, в дому Божии возращенная;

Радуйся, шипок благовонный в пустынных удолиях процветший;

Радуйся, любвеобильный наш наставник;

Радуйся, неверие и суеверие наше победивший;

Радуйся, сланное море страстей наших изсушающий;

Радуйся, от грехопадений наших, имже несть числа, избавляющий;

Радуйся, миром и любовию к добру души наша снабдевающий;

Радуйся, в добродетелех христианских преуспевати нам помогающий.

Радуйся, преподобне и богоносне отче наш Зосимо, неусыпный о нас ко Христу Богу молитвенниче!

Спасительнаго делания наставниче многомудрый воистину явился еси, богоносне отче Зосимо, ты бо в писаниех твоих о делании духовнем возвестил еси, о стяжании благодати Всесвятаго Духа, и творении молитвы Иисусовой, образы христоугождения в житиих Василиска и Петра преподобных в назидание всем оставил еси; уставы общежития писанием утвердил еси, сам же во бдении и молитве не вкусил еси покоя, дондеже Господеви предал еси святую душу твою, воспевая: Аллилуйя!

Стена, ограждающая от всех прилогов диавольских, был еси сестрам новооснованней Одитриевой пустыни, многия души ко Христу привел еси, многих бо в вере и благочестии укрепил еси, иных же к покаянию и исправлению жития привел еси, наставляя, како избегати козней вражиих и како получити Небесное Царствие. Мы же, зряще твое отеческое неусыпное попечение, благодарне вопием ти:

Радуйся, стадо свое премудре собравый;

Радуйся, многия и многия спасый;

Радуйся, аки кокош птенцы своя согреваяй;

Радуйся, повсюду благочестия лампады возжегший;

Радуйся, вся повеления тебе от Господа сотворивый;

Радуйся, паче солнца всех освещаяй;

Радуйся, душу свою за человеки положивый;

Радуйся, от обители земныя, в небесную водворивыйся;

Радуйся, преподобне и богоносне отче наш Зосимо, неусыпный о нас ко Христу Богу молитвенниче!

Пение молебное и похвалу сию смиренную не презри, прехвальне отче наш Зосимо, се бо верою и любовию к тебе подвизаеми, пред образом твоим предстояще, ублажаем тя, заступника нашего, и молимся: молися за ны выну ко Господу, вемы бо к Нему твое невозбранное дерзновение и твоих молитв благодатное действо, яко многия годы людие благочестивыя прихождаху ко гробнице твоей, помощи просяще и обретаху просимое и память твоя воссияла еси в сердцех христиан православных. Имуще таковаго предстателя, благодарно зовем дивному во святых Своих Богу нашему: Аллилуйя!

Светозарную жизнь скончавая, старец сый, яко отец чадолюбив, вся смотрительне устроил еси во обители твоей. Пред концем же живота твоего ты, богоносне Зосимо, затворился еси в келии твоей и начал еси готовитися; последи же собрал еси чад твоих духовных к смертному одру твоему, моля их имети любовь между собою, благословив же их, мирно предал еси дух твой Богу, и погребен был еси во обители Одигитриевстей, идеже мощи твоя токи чудес изливают, подвизающе нас взывати тебе сице:

Радуйся, Пресвятыя Богородицы покровом осененный;

Радуйся, разслабленным благодатное укрепление;

Радуйся, питателю наш, сладостьми небесными насыщаяйся;

Радуйся, покровителю наш, во кровех небесных водворивыйся;

Радуйся, представителю наш пред Богом, ангельская зряй утешения;

Радуйся, младенцев небесный покровителю;

Радуйся, матерей, скорбящих о чадех усопших, скорый утешителю;

Радуйся, ревнующим о спасении помощниче богодарованный;

Радуйся, преподобне и богоносне отче наш Зосимо, неусыпный о нас ко Христу Богу молитвенниче!

Благодать приял еси от Всещедраго Бога, преподобне отче наш Зосимо, недуги и язи человеческия врачевати преславно. Темже ведуще тя яко целителя, утешителя и помощника от Всемилосерднаго Господа нам дарованнаго, молитвенно торжествующе святую память твою, к тебе прибегаем и по прошению дарованная благодеяния приемлем, поюще Богу песнь: Аллилуйя!

Поюще преславное о тебе смотрение Божие и чудеса твоя, богоносне Зосимо, яко молитвами твоими обитель в годину лихолетия и безбожия сохранил еси, и ныне всецерковно прославлен был еси. Мы же с любовию чтим святую память твою, яко небеснаго предстателя и помощника; веруем, яко Господь молитвами твоими вся просимая нам дарует, и молим тя усердно, не забуди нас, но всегда пребывай с нами, да твоим заступлением и помощию ограждаеми, спасаеми и избавляеми от всех зол видимых и невидимых, вопием ти сице:

Радуйся, обители твоея неусыпный попечителю;

Радуйся, Пречистыя Богородицы верный служителю;

Радуйся, даром велия мудрости чтущих тя наполняюший;

Радуйся, миром и благостию души наши преображающий;

Радуйся, в служении нашем помощь и укрепление дарующий;

Радуйся, благих помощников и друзей верных христианам посылающий;

Радуйся, молящимся тебе озарение и вдохновение посылающий;

Радуйся, сомневающихся и колеблющихся благодатно укрепляющий;

Радуйся, преподобне и богоносне отче наш Зосимо, неусыпный о нас ко Христу Богу молитвенниче!

О, великий угодниче Христов и преславный чудотворче, преподобне отче наш Зосимо, приими недостойное сие моление наше, с любовию ти приносимое, и благоприятными твоими к Богу молитвами испроси, у Спасителя нашего Господа Иисуса Христа всем нам добродетельное и богоугодное житие, терпение, здравие телесное и духовное преуспеяние. Да тако спасаемии в вечней жизни с тобою воспеваем Создателю нашему: Аллилуйя, аллилуйя, аллилуйя!

Сей Кондак глаголи трижды. А по сем читается Икос 1 и Кондак 1

Тропарь преподобному Зосиме (Верховскому), гл.8

Отеческаго учения ревнителю,/ Сибирския пустыни всекрасное прозябение,/ деяния и созерцания бодренный подвижниче,/ безмолвия рачителю и обители невест Христовых устроителю,/ сосуде Духа, Зосимо преподобне,// моли Христа Бога, да просветит души наша.

Первее в Сибирстей стране/ инокиням пустынную обитель возградил еси,/ оттуду же неправедне изгоняемь,/ на Промысл Божий упование возложил еси,/ имже паче ума огражден,/ яко неврежден, путьшествие творя,/ Богоматерию Одигитриею управляемь,/ Московских пределов достигл еси,/ и зде паки руководство обителию восприим,/ Богособранную паству твою/ добре упасл еси,/ нам же образ жития твоего/ и медоточная учения оставил еси,/ преподобне Зосимо,/ моли Христа Бога// сохранитися от всякия скверны душам нашим.

Автор акафиста Евгений Владимирович Храповицкий

Преподобный Зосима

Житие преподобного Зосимы.

По времени своей подвижнической жизни на земле преподобный Зосима Верховский (24 марта 1768 – 24 октября 1833) являлся современником преподобного Серафима Саровского. Известно удивительное небесное предзнаменование подвижнического христианского подвига старца Зосимы. Еще перед рождением его, отец будущего подвижника во время ночной своей молитвы услышал голос: “У тебя родится сын; не учи его светским наукам, но лишь Закону Божию”.

В детстве особенно занимали душу Захарии (так звали прп. Зосиму во святом. крещении) жития преподобных пустынников – когда мать читала вслух жития святых, он разгорался духом подражать им. Будучи еще шести-восьми летним отроком, часто убегал он в сад или огород, молился как умел, а после молитвы ел плоды и овощи, чтобы за обедом не есть ни мяса, ни хлеба. Позже, уже в юности, имел он и другое предзнаменование своего иноческого будущего: однажды во сне явилась ему Небесная Дева, олицетворение чистоты и целомудрия.

Но не сразу выпустил мир будущего монаха из своих тенет. Будучи по рождению дворянином, имел он наследственные земли и деревни, служил в столице в рядах блестящего гвардейского Преображенского полка. Собирался уже и жениться. Однако тайный голос совести предостерегал его. И однажды, как рассказывал впоследствии сам отец Зосима, когда проезжал он, прогуливаясь верхом на хорошей дорогой лошади, мимо церкви своего села, вдруг точно кто рукою толкнул его в грудь да так сильно, что он пошатнулся на лошади, и в это время внятно услышал слова: “Ты пойдешь в монахи”.

Именно во времена его юности, во второй половине 1780-х годов, привел промысел Божий брянских отшельников под водительством иеромонаха Адриана в близлежащие Рославльские леса. Встреча с пустынниками произвела на Захарию ошеломляющее впечатление, которое не могли затмить потом уже ни блеск столицы, ни богатство помещичьей жизни. Весной 1789 года он вышел в отставку в чине поручика, отдал все свое имение родственникам и явился к рославльским пустынникам с намерением остаться там навсегда. Но умудренный опытом старец Василиск отправил его сначала научиться смирению и послушанию в монастырь на Коневец, куда к тому времени перебрался жить их наставник отец Адриан.

В Коневском монастыре (на Ладожском озере) и начал юный Захария свой монашеский путь под неусыпным оком великого подвижника, настоятеля отца Адриана. Там он был пострижен с именем Зосима, там началась его отшельническая жизнь вдали от монастыря в уединенной лесной келии под руководством переехавшего туда же старца Василиска. Только по субботам вечером приходили они в монастырь на всенощное бдение, а в воскресение после литургии и трапезы в кругу братии снова удалялись в свое безмолвие. Но даже и этого уединения стало им вскоре недостаточно. И когда духовный отец их Адриан отпущен был начальством на покой в Московский Симонов монастырь, испросили Василиск и Зосима дозволения искать себе более глубокую пустыню. В 1799 году покинули они Коневец.

Много исходили подвижники дорог и весей, обошли многие монастыри и пустыни, в которых процветала среди монахов Иисусова молитва. Познакомились в Белых Берегах с несравненным Василием (Кишкиным), побывали в Санаксаре, стали сомолитвенниками многих учеников и последователей великого Паисия Величковского, ибо сподобил Господь их обоих принять в сердце непрестанную Иисусову молитву, познать ни с чем не сравнимое счастье общения с Богом.

Несколько раз пытались они попасть на Афон, но Божий промысел привел их к концу лета 1802 года в дебри сибирских лесов, на берег озера, которое находилось в пятидесяти верстах от Кузнецка. Мироощущение христовых подвижников передано ими самими с предельной ясностью: “За что нам чаять от Бога, по смерти, воздаяния, ежели в сей жизни так облагодетельствованы по Его благости: живем во всяком спокойствии и услаждении мирным духом, радуемся, от всего свободны. Нет в пустынном пребывании нашем ничего такого, что бы возбраняло или отвлекало от Богослужения, удерживало или мешало заниматься чтением Святого Писания и питаться углублением в Богомыслие; напротив, всякий случай и всякий предмет побуждают здесь простираться к Богу.

Кругом дремучий лес, за которым весь мир скрылся; только к небу чистейший и незаграждаемый путь, привлекающий взоры и желание сподобиться переселиться в тамошнее блаженство. А от соединения души с Богом какая бывает радость, какой страх, какая любовь, сладость, утешение, просвещение, трепет, умиление, слезы и совершенное забвение самого себя и всего земного! Блаженнее же всего то, что мы между собою таким духовным дружелюбием, единодушием и единомыслием связаны о Христе, что всякий совет у нас бывает не раздорен, и послушание охотнейшее. Всякий случай, всякая вещь, одним словом, все зримое и слышимое склоняет к размышлению о всемогуществе, премудрости и благости Божией”.

Двадцать лет прожили пустынники в своих лесных келейках посреди дикого сибирского леса, восходя постепенно от силы в силу. Наконец пришло время воли Божией поставить светильники сии на свещники – да светят многим. К концу 1810-х годов стали приходить под руководство старцев Василиска и Зосимы страждущие люди. Среди них особой духовной высоты достиг юноша Петр Мичурин. Он известен христианскому миру по Жизнеописанию, составленному отцом Зосимою, и ныне почитается в сонме сибирских праведников. Написал отец Зосима и житие своего безгранично любимого отца Василиска, а также “75 действий Иисусовой молитвы на старца Василиска”, что является неоценимым свидетельством Богоугодной жизни этого подвижника и обогащает сокровищницу духовной литературы.

Стали приходить под их руководство также и женщины. Не посмели отцы отказать страждущим душам. И начало создаваться в ближайшей деревне Сидоровке женское общежитие. Сначала отец Зосима регулярно навещал их там, а потом удалось исхлопотать через Синод для начинающейся общины пустующий Свято-Николаевский монастырь в городе Туринске. Так в 1822 году было положено начало первой женской обители, устроенной отцом Зосимою по благословению его незабвенного старца Василиска, скончавшегося 29 декабря 1824 года и похороненного около соборного храма в монастыре.

Отец Зосима написал устав сестрам, основанный на общежительных правилах святого Василия Великого и специальное для них “Поучение о послушании”. Сам он имел чрезвычайный, особенный дар не строгостью и принуждением, но отеческою любовью и собственным примером разгорячать сердца к подвигам и само лишениям. Привез отец Зосима в этот монастырь своих осиротевших племянниц (получивших при облечении в рясофор имена Вера и Маргарита), которым суждено было стать его верными духовными дочерьми, сумевшими продолжить монашеское делание и управление вторым монастырем, основанным старцем Зосимою после смерти наставника.

Однако вскоре в Туринском же монастыре начались нестроения. Показательно, с каким терпением выносил старец Зосима приключившиеся скорби, безропотно и смиренно взывая: “Я знаю одну Матерь Божию: когда Ей угодно, Она откроет всю справедливость; мне ли сметь сопротивляться судьбам Божиим?”.

Осенью 1825 года старец Зосима приехал в Москву и нашел теплый прием у Митрополита Филарета. Впоследствии об этих нестроениях Владыка сказал так: “Возъярился враг спасения человеческого и подвигнул тяжкое искушение. Он возбудил в некоторых страсть любоначалия; от сего возникли распри и ухищрения; они привлекли суд; суд поврежден был человекоугодием: и верные руководству старца сестры общежития, вместе с ним, принуждены были удалиться”. Зимой прибыли в Москву те сестры, которые не захотели остаться без руководства старца. Приютила их у себя в доме Мария Семеновна Бахметева. А затем она отдала в их распоряжение и часть земли на своей даче в Верейском уезде.

Старожилы расположенного неподалеку села Рыжкова припомнили, что в 1812 году, когда они прятали в здешних лесах от поругания чудотворную икону Божией Матери Одигитрии, то однажды какой-то седой старичок, проходя мимо них сказал: “Матерь Божия прославит здесь имя Свое”. Они тогда удивились: откуда взялся здесь этот старичок и куда он пропал, ведь место это непроходимое, лесное и болотистое? Лишь теперь стало ясно действие Промысла Божия, сподвигнувшего благочестивую женщину, Марию Семеновну Бахметеву, на приобретение этого отдаленного участка. Так начала свое существование новая обитель, названная старцем Одигитриевскою и ставшая впоследствии Троице-Одигитриевским монастырем.

20 ноября (3 декабря по новому стилю) 1826 года можно считать Днем основания пустыни. На праздник Введения во храм Пресвятой Владычицы нашей Богородицы и Приснодевы Марии пропели сестры молитвы во вновь построенных там келейках.

Много труда положил старец Зосима на обустройство новой пустыньки, оказавшейся Промыслом Божиим среди леса и болот, вдалеке от человеческого жилья и храмов. Неустанно трудился старец над устроением духовной жизни насельниц. Всегда оставаясь для них примером смирения и молитвенного настроя, он успокаивал малодушных, внушая им любовь к тишине и удаленности от мирской суеты.

Когда все основные дела были окончены, он пять дней в неделю стал удаляться на безмолвие, приходя к сестрам в субботу и воскресение. Около своей келейки в лесу вырыл старец колодец, вода из которого после его смерти стала исцелять людей, по вере прибегающих к ней. Скончался отец Зосима 24 октября 1833 года, незадолго до смерти приняв великую схиму. Над его могилой в 1838 году возвели храм, посвященный, согласно его завещанию, Живоначальной Троице.

Те, кого прославил Сам Господь на небе, прославляют со временем и здесь, на земле, с надеждой обрести новых молитвенников перед Престолом Божиим. В 1999 году Наро-Фоминское благочиние Московской епархии сделало первые шаги к канонизации преподобного отца-пустынножителя старца Зосимы, подав необходимые материалы в Комиссию по канонизации святых. В сентябре Комиссия приняла решение о канонизации схимонаха Зосимы (Верховского) как местночтимого святого, а 11 ноября того же 1999 года состоялось утверждение этого решения Патриархом Московским и всея Руси Алексием II. Чин прославления старца Зосимы в лике преподобных состоялся в возобновлённой Троице-Одигитриевской Зосимовой Пустыни 23 июля 2000 года. Четыре года спустя на Архиерейском Соборе Русской Православной Церкви 4 октября 2004 года определено было всецерковное прославление преподобных Зосимы (Верховского) и Василиска Сибирского.

Тропарь преподобному Зосиме, глас 8

Любовию Христовою уязвился еси, преподобне, / вся красная мира отринув, / подвигом безмолвия подвизався, / добродетели Божественныя стяжал еси; / премудрости Божия причастниче, / отче наш Зосимо, моли Христа Бога / и Пречистую Деву Богородицу // спастися душам нашим..

Кондак преподобному Зосиме, глас 6

Избранниче Божий и старче премудрый, / наставниче наш Зосимо, / от юности постническою стезею шедый, / во одежду кротости и терпения облеклся еси, / темже дар Святаго Духа улучив, / многие души Христу уневестил еси. / Ныне в сонме преподобных на небесех ликуеши, // моляся непрестанно о чтущих святую память твою.

Молитва преподобному Зосиме

О святый угодниче Христов, преподобне отче наш Зосимо! Ты от юности себя Христу посвятил еси. Имение раздав, во обитель пустынную вселился еси. Кто изглаголет подвиги твоя: безмолвие, бдение, молитву непрестанную, скорбей терпение, слезы покаяния и всех прощение, воле Божией всецелое себя предание? Многим девам, Богу уневестившимся, паче отца ты был еси, духовно их окормляя и ко спасению наставляя. И ныне молим тя мы недостойнии: буди нам помощник и заступник, обители же нашей утверждение и покров. Научи нас волю Божию творити, обиды прощати, скорби и болезни благодушно терпети. Да сподобимся и мы молитвами твоими в мире, любви и покаянии путь наш тесный совершати и Царствия Небесного достигнути, идеже ты со всеми святыми славиши непрестанно Бога во Святей Троице, Отца и Сына и Святаго Духа. Аминь.

Оценка 4.4 проголосовавших: 56
ПОДЕЛИТЬСЯ

ОСТАВЬТЕ ОТВЕТ

Please enter your comment!
Please enter your name here