Молитва св мученику иоанну сочавскому

Все о религии и вере - "молитва св мученику иоанну сочавскому" с подробным описанием и фотографиями.

Содержание

1 Канон святому великомученику Иоанну Новому Сочавскому
2 Молитвы Иоанну Сочавскому на торговлю
3 Молитвы Великомученику Иоанну Новому, Сочавскому.

Канон святому великомученику Иоанну Новому Сочавскому

Житие на земли добре окормляя, страдальче, милостынями, и частыми молитвами, и слезами, паки же ко страданию мужески устремився, персское обличил еси нечестие. Темже Церкве был еси утверждение и христиан похвало, Иоанне приснопамятне.

Морскую плавая пучину куплею, от востока тщался еси к северу, но Богу призвавшу тя, якоже Матфей мытницу, ты же куплю оставль, и Тому последовал еси кровию мучения, временными искупив непроходимая, и венец приял еси непобедимый.

Ирмос: Отверзу уста моя, и наполнятся духа, и слово отрыгну Царице Матери, и явлюся, светло торжествуя, и воспою, радуяся, Тоя чудеса.

Припев: Святый мучениче Иоанне, моли Бога о нас.

Новоявлен мученик, блаженне Иоанне, вселенней напоследок явился еси, темже ми подаждь слово твоею благодатию, твоя подвиги воспети по достоянию.

Святый мучениче Иоанне, моли Бога о нас.

Очима мысленныма предстоя на судищи, мучеников зрел еси честное сословие, тебе призывающих радостно, Иоанне, и подобными венцы украшающих.

Святый мучениче Иоанне, моли Бога о нас.

Воинством досточудным твоего сопротивления победная прияхом на мучителя естеству: совершенне бо посрамлен быв, не ктому мучительская дерзати начинает.

Слава: Одеявся во броня исповедания веры и шлем возложив благодати светлейший, языком же, Иоанне, боговещанным и честным, яко же мечем, ссекл еси безумнаго епарха.

И ныне: Гора превысокая, юже виде Даниил, камень от горы же отсечеся мужеску руку кроме, Тебе прообразова, Богородице: без мужа бо нам плотию родила еси Еммануила.

Ирмос: Твоя песнословцы, Богородице, Живый и Независтный Источниче, лик Себе’ совокупльшия, духовно утверди, в Божественней Твоей славе венцев славы сподоби.

Святый мучениче Иоанне, моли Бога о нас.

Муками, яко злато честное, искусился еси, страдальче славне, и Царю сил принеслся еси, всеплодие словеси истинно, вместо огня олтарнаго мечем истнеемо.

Святый мучениче Иоанне, моли Бога о нас.

О Владыце первее и Господе не насытишася иудее законопреступнии и пророкоубийственнии, но и того мученика, влачима немилостивно от слуг нечестия текуще, заклаху.

Святый мучениче Иоанне, моли Бога о нас.

Епарх сети простираше словесы ласкательными к ловлению страдальца премудраго, но он вопияше к нему: престани на мнозе буесловя, аз бо твари не поклонюся, паче Создавшаго.

Слава: Маслина плодовитая в церкви Живаго Бога твоих мощей рака ныне явися, от неяже обираем различная недугов исцеления, яже тобою обогащшиися и чудесы твоими красящиися.

И ныне: Рече Божественный Иезекииль: и будет дверь затворена. И сие на Тебе исполнися, Владычице: вниде бо несказанно в Тя Отчее Слово, и миру явися Плотоносец из Тебе, Дево, сохранив Тя во обоих.

Премудрости рачитель быв, сокровище добродетелей, отонудуже и почерпл еси Божественная разумения. Темже и времени призвавшу, к подвигом усердно совлеклся еси, приемля мученическия раны, плоти содробление, и кровей истощание, и ныне живеши в неизреченне свете с мученики. Сего ради вопием ти: моли Христа Бога грехов оставление даровати покланяющимся верою святым мощем твоим.

Слава, и ныне, Богородичен

Помышляю суд и боюся, испытания трепещу страшнаго и ужасаюся муки и огня болезни, тьмы же и тартара. Увы, что сотворю? Студ како претерплю, егда книги разгнутся и деяния обличатся? Сего ради припадаю Ти, Богородице Пречистая: предстани ми тогда, нужды оныя изымающи, Тебе бо имам прибежище, Владычице.

Ирмос: Седяй в Славе на Престоле Божества во облаце легце, прииде Иисус Пребожественный Нетленною Дланию и спасе зовущия: слава, Христе, силе Твоей.

Святый мучениче Иоанне, моли Бога о нас.

Удица льстивая язык бяше мучителя, вражиими подвижими козньми, преложити великодушнаго спешащ, но безделен обличися, страдальцу в радости зовущу: слава силе Твоей, Господи.

Святый мучениче Иоанне, моли Бога о нас.

Что ми многая словеса и обещания тлеемая, яже безумне предлагаеши? – Иоанн к мучителю вопияше. – Сия вся мне желчи горчайша, сладостно взывающу: слава силе Твоей, Господи.

Святый мучениче Иоанне, моли Бога о нас.

Егда раны множайшия на моих процветут плотех, тогда венцем светлейшим уповаю сподобитися, – страдалец к персу глаголаше, – не косни прочее, о зломудренне, аз бо вопию: слава силе Твоей, Господи.

Слава: Никакоже тебе послушаю, к пагубе привлачаща, – огнеслужителю Иоанн вещаше, – умру же паче усердно за умершаго мене ради, да с мученики светло вопию: слава силе Твоей, Господи.

И ныне: Изобразоваше в Чермнем прошествие древле Израилево безмужное Твое рождество, Всецарице: якоже бо он тогда пройде немокренно, тако и Христос безсеменно от Твоих пречистых кровей произыде, Дево.

Ирмос: Ужасошася всяческая о Божественней славе Твоей: Ты бо, Неискусобрачная Дево, имела еси во утробе над всеми Бога и родила еси Безлетнаго Сына, всем воспевающим Тя мир подавающая.

Святый мучениче Иоанне, моли Бога о нас.

Изнемогоша, биюще, слуги страстотерпческия плоти, утрудися и мучитель, томления изыскуя, но он доблественне терпяше, красуяся ранами, яже за любовь подъят Господа своего.

Святый мучениче Иоанне, моли Бога о нас.

Коль страшно же и славно о Христе сопротивление твое, емуже убо почудишася племена, обретшаяся на подвизе, и похвалиша терпение, персы же посрамишася от иудеи, студом оболкшеся.

Святый мучениче Иоанне, моли Бога о нас.

Окрест стояху множества, зряще бываемое, славне, и мучитель председяше, тебе приобрести надеяся, но погреши безумный тщания, всуе претя непристрашному и вотще бия адаманта.

Слава: Епарха злочестиваго безумному велению ругаяся, Божественный Иоанн прелесть обличаше персския гордыни: солнцу, глаголя, не поклонюся, твари сущей, человеком работающей, большему рук Божиих созданию.

И ныне: Горе бяше соприсносущен, Отцу и Богу, Бог Слово и с нами Бог и Человек, Богородице, Тобою сошед к нашему смирению, свобождая от клятвы прадедния: Тебе бо виде патриарх Иаков лествицу Небесную.

Ирмос: Божественное сие и всечестное совершающе празднество, Богомудрии, Богоматере, приидите, руками восплещим, от Нея рождшагося Бога славим.

Святый мучениче Иоанне, моли Бога о нас.

Никакоже поколебаша столпа благочестия свирепство повелевающаго, ниже палицами биения, но ни раны, ни смерть нужднейшая.

Святый мучениче Иоанне, моли Бога о нас.

Оку херувимску ума твоего чистота уподобися: доле бо мужески терпел еси мучения и горе предстоял еси Владыце, Иже посла тебе венец победительный.

Святый мучениче Иоанне, моли Бога о нас.

Взыграшася светло мученичестии тогда ликове, видевше твое дерзновение, и, приникше купно со Ангелы, невидимо укрепляху тя в подвизе.

Слава: Ужа железная Иоанн, страдалец изящный, злата огорлия вменяше я и яже от иудей каменей метания – степени к Небесному шествию.

И ныне: Образне руно Гедеон прият орошено Твое предвозвещая чудо: сниде бо, яко дождь на руно, Богородице, Единый от Троицы во утробу Твою, воплощаемь.

Премудрый Зиждитель и Владыка и Господин винограда мысленнаго якоже пресвятыми Своими усты во причти винограда глаголет: яко во единыйнадесять час делавшим подобную даде цену, якоже и от перваго делавшим. Ныне делы извести в причти крыемое, Иоанна показав светла мученика, на самый уже последок летным тысящам, подобно первым страдальцем прослави нетлением и исцеления даром: временными бо искупив непроходимая, и венец носит непобедимый.

Ирмос: Не послужиша твари Богомудрии паче Создавшаго, но, огненное прещение мужески поправше, радовахуся, поюще: препетый отцев Господь Бог, благословен еси.

Святый мучениче Иоанне, моли Бога о нас.

Приносимая ти страдания, Иоанне досточудне, младенец стреляния мужески вменял еси, радостно поя: препетый отцев Господь и Бог, благословен еси.

Святый мучениче Иоанне, моли Бога о нас.

Руку часто простирая к мучителю, Иоанн глаголаше: что всуе трудишися, безстудне? муки бо творя мне – пестра одеяния, и смерть венец безсмертия.

Святый мучениче Иоанне, моли Бога о нас.

Истинен аз мученик истиннаго Христа Бога нашего, – страдалец взываше, – влачения бо цветы благовонны вменяю и кровныя струи – баню крещения.

Слава: Нощь от мене судится житие еже во плоти, – Иоанн любомудрствоваше, – скоро убо прочее плоти разреши мя соуза, да яже со Христом жизнь наследую.

И ныне: Риторствующий язык безгласен и недвижимь, иже о Тебе зрим, Богорадованная: не имать бо постигнути непостижимаго зачатия неизреченное рождение.

Ирмос: Отроки благочестивыя в пещи Рождество Богородичо спасло есть, тогда убо образуемое, ныне же действуемое, вселенную всю воздвизает пети Тебе: Господа пойте, дела, и превозносите Его во вся веки.

Святый мучениче Иоанне, моли Бога о нас.

Ублажиша тя цари, благословиша тя святители, слышаще твое мужественное терпение и ко Христу ходатая стяжавше тя, и, ныне приходяще, честным твоим мощем покланяются.

Святый мучениче Иоанне, моли Бога о нас.

Шаташася иногда языцы с людьми законопреступными, на Христа и Господа поучающеся тщетная, и ныне собрашася, персы убо Иоанна влачаще, иудеи же закалающе.

Святый мучениче Иоанне, моли Бога о нас.

Ят бысть тобою, и удержан, и до конца низложен змий безплотный во плоти твоим терпением. И того крепость угасе и лютое мучительство, Христу в плоть оболкшуся.

Слава: Хваляся язвами Христовыми, к вечным востекл еси обителем, в багряницу одеян, мучениче, от кровей твоих обагренную, и светло Царю сил предстоиши, с мученики ликуя.

И ныне: Исаии угль древле послан бысть, клещами носим от Серафима, касающся тому и грехи оставляющ. Клеща же Ты еси, Дево, Божественный Угль носившая во оставление грехов человечеству.

Ирмос: Всяк земнородный да взыграется, Духом просвещаемь, да торжествует же безплотных умов естество, почитающее священное торжество Богоматере, и да вопиет: радуйся, Всеблаженная Богородице, Чистая Приснодево.

Святый мучениче Иоанне, моли Бога о нас.

Воин истинный Христова проповедания был еси, Иоанне, и лести потребитель безбожия. Темже и ныне молитвами твоими потреби варварское востание, воинству нашему под ноги сие, славне, низлагая.

Святый мучениче Иоанне, моли Бога о нас.

Аще и разсеяни быша священныя твоя плоти, мудре, аще и крови излияшася, но победительная на тебе преидоша. Тем на нас востающих силою твоею посрами и воинство наше яви победителя.

Святый мучениче Иоанне, моли Бога о нас.

Лук сокруши нечестивых, воине непобедиме, неправедно движимый на твое достояние, еже себе избрал еси, возлюбив, и отечество наше утверди, да и мы тихо и мирно препроводим жительство.

Слава: Юже желахом память светозарную твою и честную, прияхом и облобызахом, радующеся духом и играюще, молимся, блаженне: место сие и люди, идеже изволи славитися, сохраняй невредно, со отечеством нашим.

И ныне: Егоже пророцы провозвестиша вси многообразне, воплощаема нас ради, Тобою видехом, Богородице, Бога, нам совершенна, избавляющаго человеки от клятвы прадедния, мы же Твоими молитвами вечныя геенны да избавимся.

Свету невечернему предстоя, блаженне, с мученическими лики, воспевающия тя в памяти твоей от искушения спасай молитвами твоими.

Слава, и ныне, Богородичен:

Незаходимаго света носило, Приснодево, просвещшаго седящих во тьме неведения прелести, озари и нам, грешным, свет Сына Твоего.

Молитвы Великомученику Иоанну Новому, Сочавскому

Святый великомучениче Иоанне! Призри с небеснаго чертога на требующих твоея помощи и не отвергни прошений наших, но, яко присный благодетель и ходатай наш, моли Христа Бога, да, человеколюбив и многомилостив сый, сохранит нас от всякаго лютаго обстояния: от труса, потопа, огня, меча, нашествия иноплеменников и междоусобныя брани. Да не осудит нас грешных по беззаконием нашим, и да не во зло обратим благая, даруемая нам от Всещедраго Бога, но во славу святаго имене Его и в прославление крепкаго твоего заступления. Да молитвами твоими даст нам Господь мир помыслов, воздержание от пагубных страстей и от всякия скверны и да укрепит во всем мире Свою Едину Святую, Соборную и Апостольскую Церковь, юже стяжал есть честною Своею Кровию. Молися прилежно, святий мучениче, да благословит Христос Бог державу, да утвердит во святей Своей Православней Церкви живый дух правыя веры и благочестия, да вси члены ея, чистии от суемудрия и суеверия, духом и истиною покланяются Ему и усердно пекутся о соблюдении Его заповедей, да мы вси в мире и благочестии поживем в настоящем веце и достигнем блаженныя вечныя жизни на небеси, благодатию Господа нашего Иисуса Христа, Емуже подобает всякая слава, честь и держава со Отцем и Святым Духом, ныне и присно и во веки веков. Аминь.

Молитвы Иоанну Сочавскому на торговлю

Чтобы у Вас всегда торговля была удачной необходимо молиться Иоанну Сочавскому, который является покровителем людей занимающихся торговлей. Также нужно купить икону этого святого и разместить ее в торговой точке и по необходимости обращаться к ней за помощью.

Святый великомучениче Иоанне! Призри с небеснаго чертога на требующих твоея помощи и не отвергни прошений наших, но, яко присный благодетель и ходатай наш, моли Христа Бога, да, человеколюбив и многомилостив сый, сохранит нас от всякаго лютаго обстояния: от труса, потопа, огня, меча, нашествия иноплеменников и междоусобныя брани. Да не осудит нас грешных по беззаконием нашим, и да не во зло обратим благая, даруемая нам от Всещедраго Бога, но во славу святаго имене Его и в прославление крепкаго твоего заступления. Да молитвами твоими даст нам Господь мир помыслов, воздержание от пагубных страстей и от всякия скверны и да укрепит во всем мире Свою Едину Святую, Соборную и Апостольскую Церковь, юже стяжал есть честною Своею Кровию. Молися прилежно, святий мучениче, да благословит Христос Бог державу, да утвердит во святей Своей Православней Церкви живый дух правыя веры и благочестия, да вси члены ея, чистии от суемудрия и суеверия, духом и истиною покланяются Ему и усердно пекутся о соблюдении Его заповедей, да мы вси в мире и благочестии поживем в настоящем веце и достигнем блаженныя вечныя жизни на небеси, благодатию Господа нашего Иисуса Христа, Ему же подобает всякая слава, честь и держава со Отцем и Святым Духом, ныне и присно и во веки веков. Аминь.

О святый угодниче Божий, Иоанне! Подвигом добрым подвизався на земли, восприял еси на Небесех венец правды, егоже уготовал есть Господь всем любящим Его. Темже взирающе на святый твой образ, радуемся о преславнем скончании жительства твоего и чтем святую память твою. Ты же, предстоя Престолу Божию, приими моления наша и ко Всемилостивому Богу принеси, о еже простити нам всякое прегрешение и помощи нам стати противу кознем диавольским, да избавльшеся от скорбей, болезней, бед и напастей и всякого зла, благочестно и праведно поживем в нынешнем веце и сподобимся предстательством твоим, аще и недостойни есмы, видети благая на земли живых, славяще Единаго во святых Своих славимаго Бога, Отца и Сына и Святаго Духа, ныне и во веки веков. Аминь.

Святый, славный и всехвальный Великомучениче Христов, Иоанне, несумненный ходатаю нашего спасения. Молим Тя раби Твои, собрании днесь в Божественнем Твоем храме и раце святых мощей поклоняющиеся; милостив буди якоже нам, тако и далече отстоящим и на помощь Тя призывающим и мученическая Твоя страдания похвалами ублажающим. Испроси нам всем у Многомилостиваго Господа Бога и Спаса нашего Иисуса Христа прощения и оставления грехов до сего дне и часа содеянных нами. Сохрани нас невредимых от всех козней лукаваго и ненаветну жизнь нашу соблюди от всех зол душевных и телесных; всегда, ныне и присно и во веки веков. Аминь.

Контактная информация

Как работать с ангелами Любви

Любовь может быть как нежной, так и неистовой, и таковыми же могут быть Архангел Чамуил и его ангелы. Они способны явиться в тонком, как паутинка, сиянии света для того, чтобы утешить испуганного ребенка. И они же могут облачиться в доспехи, чтобы бороться с силами жестокости и ненависти, которые вызывают многие проблемы в семьях и человеческих взаимоотношениях.

Использование материалов с данного сайта без письменного разрешения авторов запрещено

Молитвы Великомученику Иоанну Новому, Сочавскому.

Тропарь Великомученику Иоанну Новому

Житие на земли добре окормляя, страдальче, милостынями и частыми молитвами, и слезами, паки же ко страданию мужески устремився, персское обличил еси нечестие. Темже Церкве был еси утверждение и христиан похвало, Иоанне приснопамятне.

Морскую плавая пучину куплею, от востока тщался еси к северу, но Богу призвавшу тя, якоже Матфей мытницу, ты же куплю оставль и Тому последовал еси кровию мучения, временными искупив непроходимая и венец приял еси непобедимый.

Днесь Церковь торжествует, страстотерпца красящися подвиги, яко многоценною одеждею, и вопиет, хвалящися: сицева моя рождения, таковы мои сынове, ихже первее породих Крещением, воспитах же страхом Господним, и ныне мученики вижду, истине венечники избранны, да молятся о вселенней ко Господу.

Мученик Твой, Господи Иоанне, во страдании своем венец прият нетленный от Тебе Бога нашего имеяй бо крепость Твою, мучителей низложи, сокруши и демонов немощныя дерзости того молитвами спаси души наши.

Звезда светлая явился еси непрелестная мирови, Солнца Христа возвещающи зарями твоими, страстотерпче Иоанне, и прелесть погасил еси всю, нам же подавши свет, молися непрестанно о всех нас.

Величаем тя, страстотерпче святый Иоанне, и чтем честная страдания твоя, иже за Христа претерпел еси.

Акафист Святому Иоанну Новому, Сочавскому

Икона Великомученику Иоанну Новому, Сочавскому

Молитва св мученику иоанну сочавскому

Канон святому великомученику Иоанну Новому Сочавскому

Молитвы Великомученику Иоанну Новому, Сочавскому