Молитва марфы московской

Все о религии и вере - "молитва марфы московской" с подробным описанием и фотографиями.

Блаженная схимонахиня Марфа Московская, Христа ради юродивая

ПОСЛЕДНИЕ ТЕМЫ ФОРУМА

Блаженная схимонахиня Марфа Московская, Христа ради юродивая (+ 1638)

ДЕНЬ ПРЕСТАВЛЕНИЯ 1/14 МАРТА;

СОБОР МОСКОВСКИХ СВЯТЫХ

Вот уже несколько веков почитается в Москве могила блаженной Марфы Московской, погребенной в Иоанно-Предтеченском монастыре. К сожалению, сведений о ее житии практически не сохранилось, но сохранилось множество свидетельств о благодатной помощи страждущим по ее святым молитвам.

Раба Божия Дария (так звали Марфу в миру) поступила в женский Ивановский монастырь. Девицей или же вдовицей была эта блаженная подвижница – мы не знаем. По прошествии годов послушнического искуса она произнесла пред алтарем Господним монашеские обеды послушания, нестяжания и целомудрия. Новопостриженная инокиня Марфа возложила на свои рамена крест Христов и стала восходить в Небесный Иерусалим тернистым путем монашеского подвига. Борьба с внутренними врагами спасения, успехи жизни нравственной, подвиги, совершаемые из любви к Богу, большей частью и остаются известными одному Богу. Какие именно подвиги монашеские совершала Марфа и сколько лет подвизалась она в монашестве – неизвестно, но с уверенностью можно сказать, что как невеста Христова она пламенно любила Жениха своего Небесного. Как видно из надгробной надписи, она сподобилась принять и великий ангельский образ – схиму как знак высшего проявления любви ко Господу.

Отказавшись из любви ко Христу от всех земных радостей, Марфа взяла на себя один из самых труднейших подвигов – она отказалась от обычного употребления человеческого разума, то есть стала юродивой. По устному монастырскому преданию, блаженная Марфа была высокой духовной жизни; она особенно любила Воробьевы горы, куда в летнее время уходила на целые ночи, и только к утру возвращалась в монастырь. Совершить путешествие в одну ночь из Ивановского монастыря на Воробьевы горы, простоять там ночь на молитве, а утром вернуться в монастырь и выстоять все службы – труд беспримерный!

Чтобы избежать мирской славы, блаженная Марфа скрывала подвиги своей благочестивой жизни под видом юродства. Но несмотря на это, свет добродетели отражался в каждом ее слове и поступке. Ее скоро узнали и стали уважать не только жившие с ней инокини, но и при царском дворе. В последние десять лет ее жизни, когда она стояла на высоте своих духовных подвигов, ее не могла не знать и благочестивая супруга царя Михаила Феодоровича Евдокия Лукьяновна: из всех московских монастырей она особенно любила Ивановский, часто бывала в нем, хаживала туда пешком, раздавала там милостыню, служила молебны, панихиды, строила келии старицам. В течении двенадцати лет у царицы родилось девять детей и перед каждыми родами она молилась в Ивановском монастыре. Весьма естественно предположить, что благочестивая царица просила молитв и у блаженной Марфы о благополучном разрешении от бремени.

И в конце XIX века, и в начале XX века приезжали в обитель богомольные москвички в подобных обстоятельствах, служили при гробе блаженной панихиды, просили ее помощи и получали просимое.

По смерти блаженной Марфы гроб с ее телом не был по обычаю захоронен в земле, а погребен прямо в церкви, как погребались лишь царские и княжеские особы. Такое исключительное событие могло произойти только по царскому распоряжению, что еще раз доказывает почитание царской фамилией блаженной старицы Марфы.

Примеру царей подражал и народ: молитвы на гробе блаженной Марфы возносились как за нее, так и к ней; предание о святой жизни подвижницы твердо хранилось в монастыре, а уважение к памяти ее с годами только возрастало, и имя блаженной Марфы было внесено в московские святцы.

Через 250 лет по кончине блаженной Марфы при перестройке монастырского храма возникла необходимость перезахоронения ее останков на новом месте. При вскрытии гробницы все кости и часть одежды подвижницы оказались целыми.

Блаженная Марфа была также известна своей помощью заключенным в узах и страдающим недугом пьянства. О помощи этим страдальцам при гробе подвижницы было пролито немало женских слез.

Особый покров и заботу блаженная явила над своей разоренной обителью. Не может исчезнуть с лица земли монастырь, имеющий таких молитвенников, как блаженная Марфа. Это было твердой верой тех стариц, что доживали свой век в разоренном монастыре и неоднократно видели по ночам почившую схимницу молящейся в закрытом старом соборе. Они были убеждены, что по ее святым молитвам монастырь будет открыт и возрожден, что впоследствии и случилось. Известны случаи, когда блаженная являлась насельницам монастыря как во сне, так и наяву.

М.А.Мазурина, монастырская храмоздательница, рассказывала: «Как-то осенью 1876 года, часу в третьем дня, сижу я одна в своем доме (на Воронцовом поле) в зале против входной двери; направо от меня комната, в которой на полу и стульях стояли новые иконы для иконостаса Ивановского монастыря. Вдруг слышу в комнате шорох; смотрю – какая-то монахиня, старушка лет шестидесяти, высокая ростом, худощавая, в черном платье, покрытая белым платком, поднимает с пола иконы и ставит их на диван и стулья. Я сначала испугалась, но потом пришла в себя и спросила ее: «Матушка! Откуда ты?». – «Я Марфа из Ивановского монастыря», – ответила незнакомка. Больше я спрашивать не могла, вообразив, кто эта Марфа. Прошло минуты две, монахиня стала невидима, а иконы оказались все поднятыми с полу. Явлением этим дано мне вразумлением – с благоговением обращаться с иконами, даже с неосвященными, и утешение: есть в монастыре праведница, которая заботится о нем и помогает мне в устройстве его».

27 января 2001 года имя святой блаженной Марфы было включено в Собор Московских святых.

Святая блаженная мати Марфо, моли Бога о нас!

В тебе, мати, известно спасеся еже по образу, / приимше бо крест, последовала еси Христу, / и деющи учила еси презирати убо плоть, преходит бо, / прилежати же о души, вещи безсмертной. / Темже и со Ангелы срадуется, / / блаженная Марфо, дух твой.

За любовь Господню, / блаженная Марфо, / покоя желание возненавидела еси, / пощением дух твой просветивши, / крепко бо звери победила еси, / / но молитвами твоими противных шатание разори.

Молитва марфы московской

Избранная угоднице Христова, града Москвы заступнице блаженная мати наша Марфо, пение похвальное от усердия нашего приносяще, молим тя: яко имуще дерзновение ко Пресвятей Троице предстательством твоим от всяких зол и бед ны свободи и наследники Царствия Небесного нас соделай, да благодарственне вопием ти:

Радуйся, блаженная мати наша, схимонахине Марфо, молитвеннице о душах наших!

Ангельски (на земли) в преподобии и правде поживше, блаженная Мати наша Марфо, тяжкий подвиг юродства Христа ради подъяла еси, и небесныя радости причастница быти сподобилась еси. И ныне, пребываеши во Царствии Небеснем купно с лики ангел и всеми святыми и непрестанно молишися за нас, взывающих ти сице:

Радуйся, земли Московския похвало и утверждение!

Радуйся, чистотою и святынею ангелом уподобление!

Радуйся, чтущих любовию память твою в бедах и скорбех помогающая!

Радуйся, молящихся тебе от уз греховных разрешающая!

Радуйся, заблуждающихся на путь истины наставляющая!

Радуйся, в делании заповедей сердца наша утверждающая!

Радуйся, огнем молитвы твоея стрелы вражия попаляющая!

Радуйся, радости духовныя нас исполняющая!

Радуйся, блаженная мати наша, схимонахине Марфо, молитвеннице о душах наших!

Видя Благопромыслитель Господь души твоея доброту, направи твой промысел ко исканию единого на потребу. Ты же, сего возжелавше, еще от юности навыкла еси Господеви воспевати: Аллилуйя!

Разум богопросвещенный имея, свято и праведно жительствовала еси, во угоднице Христова, во граде Москве, греховныя соблазны отсекающе и ко свету Христову житие твое направляюще. Мы же, сия ныне поминающе, молим тя, святая мати, просвети наша сердца, мраком житейских попечений омраченныя и озари лучами добродетелей твоих всех, любящих тя и молитвенно к тебе ныне взывающих:

Радуйся, во крещении твоем именем силы и победы Дарией нареченная!

Радуйся, по имени житие твое проводившая!

Радуйся, суету земную ни во что же вменившая!

Радуйся, небесные сокровища зело возлюбившая!

Радуйся, все упование твое на Христа Бога возложившая!

Радуйся, крест свой терпеливо носившая!

Радуйся, Божественною любовию воспламенная!

Радуйся, тоя огнем ко иноческому житию привлеченная!

Радуйся, блаженная мати наша, схимонахине Марфо, усердная молитвеннице о душах наших!

Силою, данною ти свыше, святая Марфо, иго благое Сладчайщего Господа Нашего Иисуса Христа, на ся с радостию возложила еси, и, в московский Иоанно-Предтеченский монастырь вселились еси, и тамо во образ ангельский облечшись, воспела еси купно с иночествующими девы Небесному Жениху Христу: Аллилуйя!

Имуще в себе, святая мати наша Марфо, огнь любве Божественныя, возсияла еси, аки светильник на свещнице, тьму грехов наших просвещая и подобно бесплотным ангелом выну горе духом возносилась еси. Мы же, сия ныне поминающе, таковые похвалы приносим ти:

Радуйся, обетом целомудрия чистоту сердца твоего явившая!

Радуйся, обетом нестяжания высоту духа твоего показавшая!

Радуйся, обетом послушания Богу и ближним добре послужившая!

Радуйся, в подвизех твоих преподобным старцем поревновавшая!

Радуйся, сего ради благодать Духа Святаго стяжавшая!

Радуйся, во тьме мира сего благодатию Божиею сиявшая!

Радуйся, молитве сердечной нас научающая!

Радуйся, от сна греховного души наша пробуждающая!

Радуйся, блаженная мати наша, схимонахине Марфо, молитвеннице о душах наших!

Бурею злокозненных ухищрений ополчися на тя враг вселукавый, видя твое к Богу устремление, Марфо всехвальная, поколебати тя тщася, ты же ум свой к Богу возводя, яко скала неприступная всем сопротивным силам его явилася еси, немощь женскую презирая, укрепляющему тя Христу вопия: Аллилуйя!

Слышавшее сказания о благочестивом и богоугодном житии твоем, преподобная мати наша Марфо, о многообразных подвигах твоих, добровольно принятых тобою Христа ради, радуемся ныне и веселимся о Милосердном Господе Нашем, таковую заступницу Небесную нам даровавшего и величаем тя пениями сими:

Радуйся, путем заповедей Христовых неленностно ходившая!

Радуйся, благому игу Иисусову любомудро себе покорившая!

Радуйся, всем существом твоим в Бозе пребывшая!

Радуйся, безмолвие всем сердцем возлюбившая!

Радуйся, безгневия и кротости смирением достигшая!

Радуйся, храм Божий в сердце твоем сотворившая!

Радуйся, сугубыми молитвы твоима Господеви угодившая!

Радуйся, смирением твоим и подвиги ангелов возвеселившая!

Радуйся, блаженная мати наша, схимонахине Марфо, молитвеннице о душах Наших!

Боготканною одеждою благодати облаченная, подвиг духовный внутрь себе имела еси, богомудрая Марфо, на почести жизни временныя не взирающи, избегала еси тщеславия и похвал людских. Тем же молим тя, святая мати наша, научи же и нас о единой славе Небеснаго Царствия пещися и в Троице Единому Богу славу возносити, вопия Тому: Аллилуйя!

Видя и разумея, богоблаженная Марфо, яко по словеси апостольскому “премудрость мира сего буйство у Бога есть, писано бо есть, запинаяй премудрость в коварстве их” ( 1 -Кор.3,19), сему же последующе, тяжкий крест юродства Христа ради подъяла еси. Мы же, сему радующеся, таковыя похвалы приносим ти:

Радуйся, Христа ради безумии на ся приявшая!

Радуйся, по глаголу апостольскому в ризу юродства облекшаяся!

Радуйся, мнимым безумием сияние благодати сокрывшая!

Радуйся, чуждая миру, сущих же в нем не чуждавшаяся!

Радуйся, за ненавидящих тя с любовию молившаяся!

Радуйся, обидящих тя, яко благодетелей, почитавшая!

Радуйся, окаменелыя сердца наша оживляющая!

Радуйся, омраченныя умы наша светом Христовым озаряющая!

Радуйся, блаженная мати наша, схимонахине Марфо, молитвеннице о душах наших!

Проповеднице богоносная явилася еси, преподобная мати наша Марфо, боговедению бо и благочестию научала еси ближних твоих присно, паче же образом жития своего наставляя на путь спасения, да вопиют вси Спасителю Богу: Аллилуйя!

Возсияла еси светом богоугодного жития твоего, преподобная Марфо, благоверней царице Евдокии, иже посеща тя в обители твоея и твоим богомудрым наставлениям внимая, житие свое ко благу устрояла есть. Ты же, угоднице Христова, словеси апостольскому «Бога боитесь, царя чтите» ( 1 Петра 2,17) последовала еси и сугубыя молитвы за род царстий возносила еси. Мы же, сия поминающе, молим тя, святая мати, приклони и к нам, многогрешным, милосердие Творца Нашего и приими величания сия:

Радуйся, христолюбивую царицу духовно возвеселившая!

Радуйся, царевича Алексия в вере утвердившая!

Радуйся, всех нас к подвигу духовному ныне призывающая!

Радуйся, века сего суемудрия отвергатися ны подвизающая!

Радуйся, милосердие сердцах наших пробуждающая!

Радуйся, сострадати страждующим нас научающая!

Радуйся, от заблуждений духовных нас исцеляющая!

Радуйся, от путей погибельных нас удаляющая!

Радуйся, блаженная мати наша, схимонахине Марфо, усердная молитвеннице о душах наших!

Хотяще Агнцу Божию, вземшему грехи мира подражати, кротость и смирение Его себе усвоила еси, святая Марфо, и всякие скорби и обиды безропотно претерпела еси, Господеви поя: Аллилуйя!

Новый подвиг подъяла еси, богомудрая Марфо, егда почала еси нощью обитель твою оставляти и на Горы Воробьевские удалятися, идеже молитвы твоея сугубые возносила еси Вседержителеви. Мы же, сия ныне поминающе, просим тя, святая мати наша Марфо, присовокупи ныне твоя благомощныя молитвы, к нашим слабым и немощным молитвам, да твоего предстательства ради обретем милость у Творца и Бога нашего и сподобимся чистым сердцем славити тя сице:

Радуйся, вся добродетели в себе совокупившия!

Радуйся, трезвлением сердечным духа неугасившая!

Радуйся, с телесными подвиги умное делание сочетавшая!

Радуйся, тайно творити добродетели нас научающая!

Радуйся, к благочестия подвигам нас призывающая!

Радуйся, труды наша на пути спасения облегчающая!

Радуйся, страстьми одержимых от гибели спасающая!

Радуйся, к небесем умы и сердца наши обращающая!

Радуйся, блаженная мати наша, схимонахине Марфо, молитвеннице о душах наших!

Странно и неудоприятельно суетному миру слышати, како молитвами твоими, преподобная Марфо, богатство милосердия Божиего изливается на всех, с верою притекающих к твоему небесному покровительству. Мы же, славяще Троицу святую, давшую ти благодать сию, умиленно Творцу нашему поем: Аллилуйя!

Вся еси в вышних, богоблаженная мати наша Марфо, но и нас долу сущих (удаленных о тебе не токмо местом, паче же грехьми нашими) не забываеши и молиши о нас Милосерднаго Творца и Спаса нашего, яко да дарует нам грехов оставление, страстей одоление и во всяцей добродетели утверждение, мира душевного сохранение и скорбей утоление. Мы же, сия ныне поминающе, благодарственно восписуем ти сице:

Радуйся, фимиам молитв за нас ко Святей Троице приносящая!

Радуйся, милосердие Бога-Отца к нам приклоняющая!

Радуйся, о спасении нашем Спасителя умоляющая!

Радуйся, плоды (дары) Духа Святаго стяжати нам помогающая!

Радуйся, свято и праведно Богородицу почитати научающая!

Радуйся, росо благодатная, пажить духовную утоляющая!

Радуйся, радуго многоцветная, сердца наша веселием исполняющая!

Радуйся, за вся Творца благодарити нас наставляющая!

Радуйся, блаженная мати наша, схимонахине Марфо, молитвеннице о душах наших!

Вся добродетелей (Христовых) исполнена бывши, Марфо блаженная, с молитвою на устех предала еси дух твой в руце Божии, иже всели тя в обители небесныя, идеже ангельстии чины и святых собори радостно прияша тя. Ты же испроси и нам у Господа мирную кончину христианскую, да воспоем Ему песнь хвалебную: Аллилуйя!

Ветия многовещанныя недоумеют достойно восхвалити и прославити вся подвизи твоя, яже подьяла еси еще на земли во плоти суща, но и по преставлении твоем благодати и предстательства твоего нас не лишаеши, во узах темничных и иных злостраданиях сущим отраду и утешение ниспосылаеши, болезни наши духовныя и телесные исцеляеши и в иных обстояниях помощь твою даруеши и подвизаеши нас взывати ти сице:

Радуйся, от райских обителей в юдоль плачевную нисходящая!

Радуйся, всякую печаль от нас удаляющая!

Радуйся, в вере и благочестии нас утверждающая!

Радуйся, раны греховные благоискусно исцеляющая!

Радуйся, от напрасныя смерти нас изымающая!

Радуйся, на милость Божию уповати нас подвизающая!

Радуйся, милость и утешение верным являющая!

Радуйся, приходящих к тебе от рабства диаволу свобождающая!

Радуйся, блаженная мати наша, схимонахине Марфо, молитвеннице о душах наших!

Спасения нашего буди и ныне ходатаице, преподобная мати наша Марфо, зане многие растленныя обычаи нечестивии людие введоша в страну нашу и теми крепость наша оскуде, но в сокрушении сердец наших к твоему заступлению припадаем, на твое же предстательство уповающе, Господеви вопием: Аллилуйя!

Стеною молитв твоих небесных, богоблаженная мати наша Марфо, защити нас от враг видимых и невидимых, помози нам в скорбех и нуждах наших и предстательством твоим благомощным избави нас от лютых бед и искушений бесовских, утверди сердца наша по Бозе горети и нелицемерно ближних наших научи любити. Мы же предстательство твое воспевающе, глаголем ти сице:

Радуйся, любити Бога и творити волю Его нас научающая!

Радуйся, от похотей плотских и страстей нас отвращающая!

Радуйся, грешных к покаянию невидимо направляющая!

Радуйся, плоды покаяния верным приносити помогающая!

Радуйся, прощати и благословляти ближних нас научающая!

Радуйся, в кротости и смирении нас утверждающая!

Радуйся ,светом радости души наша озаряющая!

Радуйся, суетную славу мира сего презирати нас подвизающая!

Радуйся, святая блаженная мати наша, схимонахине Марфо, молитвеннице о душах наших!

Пение всеумиленное приносим ти, блаженная мати наша Марфо, и со дерзновением молим тя: вознеси ко Господу о спасении душ наших твоя святыя молитвы, да сподобимся вечно в радости блаженной воспевати Богу: Аллилуйя!

Светоприемную свещу, на Небеснем свещнице пред Престолом Святыя Троицы горящую, зрим умныма очима тебе, преподобная мати наша Марфо, от онуду светлостию чудес твоих просвящаеши бо всех, с верою имя твое святое призывающих. Тем же молим тя, святая мати, просвети и наша мрачныя души светом Христовым, и молитвами твоими помози нам тьмы греховныя избежати, лучи благодати в сердца наша приимати и сподоби неосужденно пети тебе:

Радуйся, от обычаев душетленных сердца наша отвращающая!

Радуйся, нравы добрыя и благочестие в нас насаждающая!

Радуйся, недугом пианства страждующих исцеляющая!

Радуйся, бремя житейское носити нам облегчающая!

Радуйся, светом надежды Христовой нас озаряющая;

Радуйся, друг друга тяготы носити нас подвизающая!

Радуйся, в час смертный благонадежная помощнице!

Радуйся, от враг видимых и невидимых защитнице!

Радуйся, блаженная мати наша, схимонахине Марфо, молитвеннице о душах наших!

Благодать и велие дерзновение твое пред Богом ведяще тебе, святая преподобная мати наша Марфо, молим ти ся: молися о нас ко Господу, утвердит ны во святей вере, во всяком благочестии и чистоте, да тихое и безмолвное житие поживем и поем тобою нам благодеющему Богу: Аллилуйя!

Поюще многомощное предстательство твое к Творцу и Богу Нашему, праведная мати наша Марфо, ублажаем и величаем тя, яко целительницу, утешительницу и помощницу, от Господа нам дарованную и молитвенно торжествуем святую память твою и от любве нашея сердечныя таковыя похвалы приносим ти:

Радуйся, молитвами твоими обитель твою двукраты восстановившая!

Радуйся, последних инокинь тоя явлением твоим духовно возвеселившая!

Радуйся, устроительницу болярыню Марию в вере утвердившая!

Радуйся, в посте и молитве ослабевающих укрепляющая!

Радуйся, от болезней многоразличных благодатно исцеляющая!

Радуйся, светом истины сущих во тьме и сени смертней озаряющая!

Радуйся, от глада духовнаго всех нас избавляющая!

Радуйся, скорби наша в радость претворяющая!

Радуйся, блаженная мати наша, схимонахине Марфо, молитвеннице о душах наших!

О святая угоднице Божия, блаженная мати наша, схимонахине Марфо, прими усердное сие моление наше, от любве душевныя тебе приносимое, и умоли Всеблагого и Всемилостиваго Господа и Бога Нашего избавитися нам от всякого зла и напасти, да благочестне в веце нынешнем поживем и блаженство живота вечнаго молитвами твоими обрящем, о тебе же благодарственно воспевающе Господеви: Аллилуйя!

Автор сего акафиста Евгений Владимирович Храповицкий

Оценка 4.3 проголосовавших: 54
ПОДЕЛИТЬСЯ

ОСТАВЬТЕ ОТВЕТ

Please enter your comment!
Please enter your name here